वृत्तसंस्था
नवी दिल्ली : पंतप्रधान नरेंद्र मोदी यांनी 2-4 जानेवारी 2024 रोजी लक्षद्वीपला भेट दिली. या दौऱ्याचे फोटो त्यांनी सोशल मीडियावर शेअर केले आहेत. पंतप्रधानांच्या भेटीनंतर लक्षद्वीपला भेट देणाऱ्यांची आणि चौकशी करणाऱ्यांची संख्या वाढली आहे.Lakshadweep’s popularity skyrockets after PM’s visit; Tourism officials said – Inquiries not only from India but also from abroad
लक्षद्वीप पर्यटन अधिकारी इम्तियाज मोहम्मद यांनी एएनआय या वृत्तसंस्थेला सांगितले की, पंतप्रधानांच्या लक्षद्वीप भेटीचा परिणाम दिसून येत आहे. भारतातूनच नव्हे, तर परदेशातूनही लोक या जागेसाठी चौकशी करत आहेत.
लक्षद्वीपच्या दौऱ्यात पंतप्रधान मोदींनी स्नॉर्कलिंगसारख्या अनेक अॅक्टिव्हिटी करतांना दिसले. याशिवाय पीएम बीचवर फिरतानाही दिसले.
पर्यटन विभागाच्या भविष्यातील प्रकल्पाबाबत इम्तियाज मोहम्मद म्हणाले की, त्यांना लक्षद्वीपमध्ये आणखी जहाज आणि क्रूझ संबंधित कंपन्यांना प्रोत्साहन द्यायचे आहे. तसेच, लक्षद्वीपची एअरलाइन कनेक्टिव्हिटी सुधारली पाहिजे. त्यामुळे अधिकाधिक लोक लक्षद्वीपमध्ये येऊ शकतील.
मालदीव वादानंतर, EaseMyTrip ने मालदीवसाठी सर्व फ्लाइट बुकिंग निलंबित केले
पंतप्रधान नरेंद्र मोदी आणि भारताच्या लक्षद्वीप भेटीनंतर मालदीव सरकारचे 3 मंत्री मलशा शरीफ, मरियम शिउना आणि अब्दुल्ला महजूम मजीद यांनी पंतप्रधान मोदी आणि भारताविरोधात टिप्पणी केली होती. यानंतर 7 जानेवारी रोजी सोशल मीडियावर BoycottMaldives हा हॅशटॅग ट्रेंड झाला. दुसरीकडे, बॉलीवूड कलाकार आणि नेटकऱ्यांनी लक्षद्वीपमधील पर्यटनाच्या प्रचाराला पाठिंबा दिला.
यासाठी लोकांनी भारत सरकारचे कौतुक केले आणि सोशल मीडियावर #ExploreIndianIsland ट्रेंड केला. त्याच वेळी, EaseMyTrip ने मालदीवसाठी सर्व फ्लाइट बुकिंग निलंबित केले होते.
लक्षद्वीपचा सर्च 3400 टक्क्यांनी वाढल्याचा दावा मेक माय ट्रिपने केला
ऑनलाइन तिकीट बुकिंग साइट मेक माय ट्रिपने 8 जानेवारी रोजी सोशल मीडिया पोस्टमध्ये दावा केला होता की, पंतप्रधानांच्या भेटीनंतर लक्षद्वीपसाठी सर्च 3400 टक्क्यांनी वाढले आहेत. यामुळे आम्हाला ‘भारत के बीच’ नावाची मोहीम सुरू करण्यास प्रोत्साहन मिळाले आहे.
To be published, comments must be reviewed by the administrator.*
Our website uses cookies to improve your experience. Learn more
Download App