इस्रो प्रमुखांना कॅन्सरचे निदान, एस. सोमनाथ यांना आदित्य-L1 लाँचच्या दिवशी मिळाली आजाराची माहिती|ISRO chief diagnosed with cancer, S. Somnath came to know about the illness on the day of Aditya-L1 launch

इस्रो प्रमुखांना कॅन्सरचे निदान, एस. सोमनाथ यांना आदित्य-L1 लाँचच्या दिवशी मिळाली आजाराची माहिती

वृत्तसंस्था

बंगळुरू : भारतीय अंतराळ संशोधन संस्थेचे (इस्रो) प्रमुख एस सोमनाथ (60) यांना कर्करोग झाल्याचे निदान झाले आहे. एका मीडिया हाऊसला दिलेल्या मुलाखतीत सोमनाथ यांनी याची पुष्टी केली आहे.ISRO chief diagnosed with cancer, S. Somnath came to know about the illness on the day of Aditya-L1 launch

सोमनाथ म्हणाले की, चांद्रयान-3 (23 ऑगस्ट) लाँच झाल्यापासून त्यांना काही आरोग्य समस्या येत होत्या. जरी त्यावेळी काहीही स्पष्ट नव्हते. मलाही त्याबद्दल (कर्करोग) कोणतीही स्पष्ट माहिती नव्हती.

चांद्रयान-३ नंतर इस्रोचे आणखी एक यश, अवकाशात वीज निर्मितीची यशस्वी चाचणी

ISRO प्रमुख म्हणाले की, आदित्य-L1च्या प्रक्षेपणाच्या दिवशी (2 सप्टेंबर) ते नियमित तपासणीसाठी गेले असता, स्कॅनमध्ये पोटातील कर्करोगाच्या पेशींमध्ये वाढ झाल्याचे दिसून आले. सोमनाथ यांचे ऑपरेशन झाले आहे. केमोथेरपीही झाली.

एस सोमनाथ यांच्या कार्यकाळात इस्रोने इतिहास रचला. भारतीय अंतराळ संस्थेने चंद्राच्या दक्षिण ध्रुवावर केवळ चांद्रयान-3 यशस्वीरित्या उतरवले नाही, तर पृथ्वीपासून 15 लाख किमी अंतरावर असलेल्या लॅग्रेंज पॉइंटवर सूर्याचा अभ्यास करण्यासाठी आदित्य-एल1 देखील प्रक्षेपित केले.

मीडिया रिपोर्ट्सनुसार, जेव्हा सोमनाथ यांना या आजाराची माहिती मिळाली तेव्हा त्यांच्या आणखी काही चाचण्या चेन्नईमध्ये झाल्या. यानंतर कॅन्सरची पूर्ण खात्री झाली. त्यामुळे त्यांच्या शरीरात काही बदल दिसू लागले.

सोमनाथ म्हणाले- कॅन्सरचे निदान होणे कुटुंबासाठी धक्कादायक होते. सध्या मी आजार समजून घेऊन उपचार घेत आहे. मी कधी पूर्णपणे बरा होईल हे सांगणे कठीण आहे. मिळालेल्या माहितीनुसार, इस्रोचे प्रमुख चार दिवस रुग्णालयात राहिले आणि पाचव्या दिवशी कार्यालयात रुजू झाले. त्यांची नियमित तपासणी आणि स्कॅन सुरूच राहतील.