भारताकडून सीमेवर ७ किमी प्रतिसेकंद वेगाने उडणारे 'S-400' क्षेपणास्त्र तैनात; चीन आणि पाकिस्तानला फुटला घाम! India deploys S 400 missile flying at a speed of 7 km per second on the border

भारताकडून सीमेवर ७ किमी प्रतिसेकंद वेगाने उडणारे ‘S-400’ क्षेपणास्त्र तैनात; चीन आणि पाकिस्तानला फुटला घाम!

सीमेवर वेगवेगळ्या सेक्टरमध्ये तीन S-400 क्षेपणास्त्रे आधीच तैनात आहेत.

विशेष प्रतिनिधी

नवी दिल्ली : भारतीय हवाई दलाने पाकिस्तान आणि चीन सीमेवर S-400 क्षेपणास्त्र सक्रीय केले आहे. लष्करी सूत्रांनी दिलेल्या माहितीनुसार, सीमेवर वेगवेगळ्या सेक्टरमध्ये तीन S-400 क्षेपणास्त्रे आधीच तैनात आहेत. यातील एक क्षेपणास्त्र पाकिस्तान सीमेवर आणि दुसरे चीन सीमेवर आणि तिसरे क्षेपणास्त्र पाकिस्तान आणि चीन सीमेवर तैनात करण्यात आले आहे. India deploys S 400 missile flying at a speed of 7 km per second on the border

तर दोन स्क्वॉड्रनच्या वितरणासाठी भारत लवकरच रशियासोबत बैठक घेणार आहे. भारताने 2018-19 मध्ये 35 हजार कोटी रुपये खर्चून 5 S-400 क्षेपणास्त्रे खरेदी करण्याचा करार केला होता. यापैकी भारताला तीन क्षेपणास्त्रे मिळाली आहेत. रशिया-युक्रेन युद्धामुळे दोन क्षेपणास्त्रे मिळण्यास विलंब झाला असला, तरी उर्वरित दोन क्षेपणास्त्रे भारताला कधी देणार हे रशियाने अद्याप स्पष्ट केलेले नाही.

तज्ज्ञांचे म्हणणे आहे की, भारतीय हवाई दलासाठी बनवलेल्या S-400 क्षेपणास्त्रांचा वापर रशियाने युक्रेन युद्धात केला आहे.दोन क्षेपणास्त्रे लवकरात लवकर मिळावीत यासाठी भारत सर्वतोपरी प्रयत्न करत आहे, जे सुरक्षाकडे मजबूत करण्यासाठी सीमेवर तैनात केले जाऊ शकतात.