Himachal Rain: हिमाचलमध्ये पावसाचा कहर २४ तासांत १५ मृत्यू, ८०० पेक्षा अधिक मार्ग बंद! Himachal Rain 15 deaths in 24 hours due to rain in Himachal more than 800 roads closed

Himachal Rain: हिमाचलमध्ये पावसाचा कहर २४ तासांत १५ मृत्यू, ८०० पेक्षा अधिक मार्ग बंद!

मनाली-सोलनमध्ये पावसाने मोडला ५० वर्षांचा विक्रम

विशेष प्रतिनिधी

शिमला : हिमाचल प्रदेशात गेल्या तीन दिवसांपासून मान्सूनचे उग्र रूप पाहायला मिळत आहे, असे दृश्य यापूर्वी कधीही पाहायला मिळाले नव्हते. परिस्थिती अनियंत्रित झाली आहे. सर्वत्र जलमय स्थिती असून मुसळधार पावसामुळे जनजीवन विस्कळीत झाले आहे. Himachal Rain 15 deaths in 24 hours due to rain in Himachal more than 800 roads closed

सोमवारी दुपारपर्यंत मिळालेल्या माहितीनुसार सहा जिल्ह्यांमध्ये पुराचा इशारा देण्यात आला आहे. पावसामुळे गेल्या २४ तासात १५ जणांचा मृत्यू झाला आहे. यादरम्यान सहा राष्ट्रीय महामार्गांसह ८२८ रस्ते भूस्खलनामुळे बंद आहेत. तसेच ४६८६ वीज ट्रान्सफॉर्मर आणि ७८५ पाणी योजना बंद पडल्या आहेत. मनाली, सोलन आणि रोहरू येथील पावसाने पूर्वीचे सर्व विक्रम मोडले आहेत.

पावसाचा जोर पाहता सरकारने सर्व शैक्षणिक संस्थांना सोमवार आणि मंगळवार (10 आणि 11 जुलै) सुट्टी जाहीर केली आहे. याशिवाय हिमाचल उच्च न्यायालय आणि सर्व जिल्हा न्यायालयांनाही सोमवारी सुट्टी जाहीर करण्यात आली आहे.