गुजरातमधील ५०९ कोळी आणि ११४१ बोटी वर्षभरापासून पाकिस्तानच्या ताब्यात ; धक्कादायक माहिती उघड

By, Vishal Joshi - September 29, 2021 10:50:57

0

वृत्तसंस्था

नवी दिल्ली : गुजरात राज्यातील ५०९ कोळी आणि ११४१ बोटी वर्षभरापासून पाकिस्तानच्या ताब्यात आल्याची धक्कादायक माहिती उघड झाली आहे. विशेष म्हणजे हे सर्वजण केंद्रीय गृहमंत्री अमित शहा यांच्या गांधीनगर लोकसभा मतदार संघातील आहेत. Gujarat’s 509 Fisherman and 1141 boats in Pakistan possession for a year; Shocking information revealed

राज्याचे मत्स्यव्यवसाय मंत्री जितू चौधरी यांनी याबाबतची माहिती ताला मतदारसंघातील काँग्रेसचे आमदार भागाभाई बरड यांच्या तारांकित प्रश्नाला उत्तर देताना दिली आहे. ते म्हणाले, सरकारकडे उपलब्ध असलेल्या आकडेवारीनुसार ५०९ कोळी आणि ११४१ बोटी या पाकिस्तानच्या ताब्यात वर्षभरापासून आहेत.

मोठ्या जहाजाला वाचवले नाही, तर छोट्या होड्या – नावांचा उपयोग नाही; कन्हैया कुमारचा प्रादेशिक पक्षांवर निशाणा

चौधरी यांनी आपल्या उत्तरात असेही म्हटले आहे की मच्छीमार आणि बोटींना सोडण्यासाठी गुजरात सरकारने दोन वर्षात केंद्रीय गृह मंत्रालयाला १८ निवेदन दिली आहेत.