सियाचीन ग्लेशियरमध्ये उभारला पहिला मोबाईल टॉवर; 4G इंटरनेट सुविधा देखील झाली उपलब्ध

सीमेवरील जवानांना आता त्यांच्या कुटुबीयांशी सहज संपर्क  साधता येणार आहे

विशेष प्रतिनिधी

लडाख : केंद्रशासित प्रदेशातील सीमावर्ती भागात दळणवळणाच्या पायाभूत सुविधा मजबूत करण्याच्या मोहिमेमुळे, सियाचीन ग्लेशियरसह पूर्व लडाखच्या काही भागात मोबाइल फोन वाजू लागले आहेत. लडाखच्या सुरक्षेसाठी तैनात असलेल्या जवानांसोबतच सीमेवरील रहिवाशांनाही संचार क्रांतीचा लाभ मिळू लागला आहे. First mobile tower erected in Siachen Glacier 4G internet facility is also available

आर्मी सिग्नल रेजिमेंटच्या सैनिकांनी पश्चिम लडाखमधील सियाचीन ग्लेशियरवर 15,500 फूट उंचीवर भारत संचार निगम लिमिटेडच्या जवानांच्या मदतीने मोबाइल टॉवरस्थापित केला आहे. हा टॉवर बसवल्यामुळे या परिसरात तैनात असलेल्या भारतीय लष्कराच्या जवानांचे मोबाईल आता वाजू लागले आहेत. आता ते देशाच्या विविध भागांतील त्यांच्या नातेवाईकांशी सहज संपर्क साधू शकतात. यासोबतच त्यांना 4G इंटरनेट सुविधाही मिळणार आहे. दळणवळणाच्या पायाभूत सुविधा मजबूत करण्यासाठी सियाचीन परिसरात आणखी मोबाईल टॉवर बसवण्याची योजना आहे.

दुसरीकडे, एअरटेलने देखील या आठवड्यात आपला टॉवर चीनच्या प्रत्यक्ष नियंत्रण रेषेजवळ असलेल्या युर्गो गावात स्थापित केला आहे. अशा परिस्थितीत हा दुर्गम भाग आता मोबाईलद्वारे जोडला गेला आहे. यापूर्वी, परिसरात मोबाइल टॉवर नसल्यामुळे, पूर्व लडाखच्या या दुर्गम भागातील रहिवाशांना देशाच्या इतर भागापासून तुटलेले वाटत होते.

या भागात तैनात असलेले सैनिक आणि आयटीबीपीच्या जवानांनाही अडचणींचा सामना करावा लागत होता. आता दुर्गम युर्गो गावात मोबाईल टॉवर बसवल्याने परिसरातील इतर गावांमध्येही मोबाईलची सुविधा लवकरच सुरू होईल, अशी आशा आहे.

First mobile tower erected in Siachen Glacier 4G internet facility is also available

महत्वाच्या बातम्या

• सुप्रिया सुळे यांची वैयक्तिक डायरी की महाराष्ट्राच्या आत्मपॅम्फ्लेटची तयारी??
• नितीश कुमारांना मोठा धक्का, ‘JDU’प्रदेश उपाध्यक्ष लालन पासवान यांचा राजीनामा
• हमासशी आरपारच्या मूडमध्ये अमेरिका! मोठ्याप्रमाणावर शस्त्रसाठा पाठवल्यानंतर आता परराष्ट्रमंत्री इस्रायलला पोहोचले
• पेटीएम पेमेंट्स बँकेला रिझर्व्ह बँकेने दिला दणका, 5.39 कोटींचा दंड; जाणून घ्या कारण