हमासशी आरपारच्या मूडमध्ये अमेरिका! मोठ्याप्रमाणावर शस्त्रसाठा पाठवल्यानंतर आता परराष्ट्रमंत्री इस्रायलला पोहोचले

अँटोनी ब्लिंकन यांच्या भेटीनंतर इस्रायलच्या राष्ट्राध्यक्षांचे वक्तव्यही समोर आले आहे.

विशेष प्रतिनिधी

नवी दिल्ली : अमेरिका आता हमासबाबत कठोर मूडमध्ये असल्याचे दिसत  आहे. एकीकडे इस्रायलला मदत करण्यासाठी त्यांनी शस्त्रास्त्रांनी सुसज्ज अमेरिकन संरक्षण मालवाहू विमान इस्रायलमध्ये उतरवले आहे. तर आता अमेरिकेचे परराष्ट्र मंत्री अँटोनी ब्लिंकन हेही इस्रायलमध्ये पोहोचले आहेत. The US Secretary of State arrived in Israel in the wake of the Israel Hamas war

एवढंच नाही तर हवाई सुरक्षा आणि सागरी सुरक्षा पुरवणार असल्याचे अमेरिकेने स्पष्टपणे जाहीर केले असून, आपला मित्र इस्रायलला मदत करण्यासाठी आणखी शस्त्रास्त्रांचा साठाही पाठवणार आहे. यानंतर अमेरिका इस्रायलला अधिकाधिक इंटरसेप्टर क्षेपणास्त्रे पाठवत आहे. या मालिकेत अमेरिकेचे परराष्ट्र मंत्री अँटोनी ब्लिंकन नेतन्याहू यांची भेट घेण्यासाठी इस्रायलला पोहोचले आहेत.

अमेरिकेचे परराष्ट्र मंत्री अँटोनी ब्लिंकन इस्रायलचे तेल अवीव शहरात पोहोचले आहेत. अमेरिकेच्या खास विमानाने ते तिथे पोहोचले आहेत. ब्लिंकन अमेरिकेची इस्रायलशी एकता दाखवण्यासाठी मध्यपूर्वेला भेट देत आहेत. पॅलेस्टिनी हमासच्या अतिरेक्यांनी केलेल्या हल्ल्यानंतर अमेरिकेच्या परराष्ट्रमंत्र्यांचा हा दौरा युद्ध संपवण्याचा प्रयत्न असेल. या मालिकेत ते पॅलेस्टाईनच्या राष्ट्राध्यक्षांनाही भेटू शकतात. दरम्यान, अँटोनी ब्लिंकन यांच्या भेटीनंतर इस्रायलच्या राष्ट्राध्यक्षांचे वक्तव्यही समोर आले आहे.

अँटोनी ब्लिंकन यांच्याशी भेट घेतल्यानंतर इस्रायलचे अध्यक्ष नेतन्याहू म्हणाले की ब्लिंकेन यांची भेट हे अमेरिकेच्या इस्रायलला स्पष्ट समर्थनाचे आणखी एक ठोस उदाहरण आहे. हमासने स्वतःला सभ्यतेचा शत्रू असल्याचे दाखवून दिले आहे. संगीत महोत्सवात तरुणांचे हत्याकांड, संपूर्ण कुटुंबाची हत्या, मुलांसमोर आई-वडिलांची हत्या आणि मुलांची त्यांच्या पालकांसमोर हत्या, लोकांना जिवंत जाळणे, शिरच्छेद, अपहरण, हे भयंकर  घृणास्पद प्रकार हमासने केले आहेत. नेतन्याहू यांनी असेही म्हटले की अध्यक्ष बायडेन यांनी वाईट म्हटले आहे, जे पूर्णपणे योग्य आहे.

The US Secretary of State arrived in Israel in the wake of the Israel Hamas war

महत्वाच्या बातम्या

• इस्रायलमध्ये आपत्कालीन सरकारची स्थापना, नेतान्याहू मंत्रिमंडळाने हमासला संपवण्याची घेतली शपथ!
• चाणक्यगिरीची ऐशी तैशी; चाणक्यांच्या विश्वासार्हतेवर खेळताहेत अनुयायीच कुस्ती!!
• Israel Hamas War: अमेरिकेचा इराणला इशारा, बायडेन म्हणाले – होलोकॉस्टनंतर ज्यूंसाठी सर्वात प्राणघातक दिवस
• पुणे-नागपूर फ्लाइटमध्ये महिलेशी गैरवर्तन; सहप्रवाशाने केले अश्लील इशारे, आरोपीला बेड्या