वृत्तसंस्था
कोलकाता : सेंट झेवियर्स युनिव्हर्सिटी, कोलकाता येथील सहाय्यक प्राध्यापिकेने स्वत:चे काही बिकिनी फोटो आपल्या वैयक्तिक इंस्टाग्रामवर शेअर केल्यामुळे त्यांना राजीनाम्यासाठी मजबूर करण्यात येत आहे. यानंतर त्यांना कॉलेजमध्ये कांगारू कोर्टात लाजिरवाण्या आणि द्वेषाने भरलेल्या प्रश्नोत्तरांना सामोरे जावे लागले. त्यांनी तो प्रसंग अतिशय वेदनादायक असल्याचे म्हटले आहे.Female professor posts bikini photos College demands resignation, 99 crore defamation notice
काय आहे प्रकरण?
प्राध्यापिका म्हणाल्या की, कुलगुरूंनी त्यांना बोलावले आणि त्या बैठकीला बरेच लोक उपस्थित होते जे त्यांना इतके अपमानजनक प्रश्न विचारत होते, ज्यांची उत्तरे देणे फार कठीण होते. ते लोक खासगी इंस्टाग्रामवरील त्या फोटोंवर वेगवेगळ्या प्रकारच्या कमेंट करत होते. “त्या छायाचित्रांसाठी मला केवळ एक तासाहून अधिक काळ त्रास दिला गेला, शिवाय मला राजीनामा देण्यासही भाग पाडले गेले,” असा आरोप त्यांनी केला आहे.
त्या म्हणाल्या की, मी विद्यापीठात प्रवेश करण्यापूर्वी ऑगस्ट 2021 मध्ये या पोस्ट केल्या होत्या आणि फक्त त्यांचे जवळचे मित्रच त्यांच्या पोस्ट पाहू शकतात. कुलगुरू फादर फेलिक्स यांनी मला विचारले की, माझ्या आईने हे फोटो पाहिले आहेत का? त्या असे फोटो स्वीकारू शकतात का? आणखी एका महिला पदाधिकाऱ्याने मला विचारले की, असे फोटोज पोस्ट करणे योग्य आहे का?
99 कोटींची मानहानीची नोटीस
सहाय्यक प्राध्यापिका म्हणाल्या की, ही बाब ऑक्टोबर 2021 ची आहे. मात्र, त्यांनी जानेवारी २०२२ मध्ये अज्ञात व्यक्तींविरोधात पोलिसात तक्रार दाखल केली होती. त्यांनी यावर्षी 1 मार्च रोजी विद्यापीठाला कायदेशीर नोटीसही पाठवली होती, त्यानंतर विद्यापीठाने त्यांना 99 कोटी रुपयांची मानहानीची नोटीस पाठवली होती.
प्राध्यापिका म्हणाल्या की, सेंट झेवियर्समध्ये इंग्रजीमध्ये बीए केल्यानंतर, त्या एमएसाठी जाधवपूर विद्यापीठात गेल्या आणि नंतर डॉक्टरेटसाठी युरोपियन विद्यापीठात गेल्या. कोरोना काळात त्या नोकरीवर रुजू झाल्या होत्या.
Female professor posts bikini photos College demands resignation, 99 crore defamation notice
महत्वाच्या बातम्या
- देशभरात जन्माष्टमीची धूम : मुंबईत दहीहंडीची तयारी, बांकेबिहारीच्या रंगात रंगली मथुरा, मंदिरांमध्ये भावि
- मथुरेसह देशभर कृष्ण जन्माष्टमी उत्साहात, पाहा फोटो!!
- राज्य सरकारचा महत्त्वाचा निर्णय : दहिहंडीच्या प्रो-गोविंदा स्पर्धांना मान्यता; दुर्घटनाग्रस्त गोविंदांना आर्थिक मदत, या आहेत अटी-शर्थी
- उद्धव ठाकरे अखेर पडणार मुंबई बाहेर; संजय राठोडांना शह देण्यासाठी पहिलाच दौरा पोहरादेवीचा!!