' पूर्वी जे भारताकडे डोळे वटारून बघायचे, ते आता पैशांसाठी वणवण फिरत आहेत', मोदींचा पाकिस्तानला टोला!|East Indias eyes will be filled with water it will roam around in the desert for money Modis Pakistani group

‘ पूर्वी जे भारताकडे डोळे वटारून बघायचे, ते आता पैशांसाठी वणवण फिरत आहेत’, मोदींचा पाकिस्तानला टोला!

मोदींच्या गॅरंटीची भीती वाटते का? विरोधकांच्या इंडिया आघाडीला केला सवाल!

विशेष प्रतिनिधी

नवी दिल्ली : लोकसभा निवडणूक 2024 च्या प्रचारात व्यस्त असलेले पंतप्रधान नरेंद्र मोदी सातत्याने सभा घेत आहेत आणि जनतेला संबोधित करत भारतीय जनता पक्षासाठी (भाजप) मते मागत आहेत. याच क्रमाने आज रविवारी (07 एप्रिल) पंतप्रधान मोदींनी बिहारमधील नवादा येथून पाकिस्तानचे नाव न घेता निशाणा साधला. पंतप्रधान मोदी म्हणाले, देशाकडे वाईट नजरेने पाहणाऱ्यांना शिकवला जाईल, अशी हमी मोदींनी दिली होती. पूर्वी जे भारताकडे डोळे वटारून बघत होते ते आता पैशासाठी भटकत आहेत.East Indias eyes will be filled with water it will roam around in the desert for money Modis Pakistani group

उत्तर प्रदेशातील सहारनपूरमधून पंतप्रधान मोदींचा विरोधकांवर घणाघात, म्हणाले…

काँग्रेस अध्यक्ष मल्लिकार्जुन खर्गे यांच्या कलम 370 बाबतच्या वक्तव्यावर मोदी म्हणाले, “काँग्रेसचे राष्ट्रीय अध्यक्ष म्हणाले की मोदी राजस्थानमध्ये येतात आणि जम्मू-काश्मीरबद्दल बोलतात. तुकडे तुकडे गँगचे लोक असे बोलतात. मात्र आम्ही शहीदांचा अपमान सहन करू शकत नाही.” शनिवारी (06 एप्रिल) जयपूरमध्ये काँग्रेसचा जाहीरनामा जारी करताना काँग्रेस अध्यक्षांनी अनेक मुद्द्यांवरून पंतप्रधान मोदींवर निशाणा साधला होता.

मल्लिकार्जुन खर्गे यांच्यावर निशाणा साधत ते पुढे म्हणाले, “मोदींची गॅरंटी इंडिया आघाडीला पसंत पडत नाही. इंडिया आघाडीच्या एका मोठ्या नेत्याचे म्हणणे आहे की, मोदी तुम्हाला जी हमी देतात त्यावर बंदी घालावी. हे लोक म्हणतात की मोदींचे हमी स्वतःच बेकायदेशीर आहे. अरे, तुम्ही इतके घाबरलात का? तुम्हाला मोदींच्या गॅरंटीची भीती वाटते का? असा सवाल मोदींनी केला.तसेच मोदी गॅरंटी देतात कारण त्यांच्याकडे गॅरंटी पूर्ण करण्याची क्षमता आहे, त्यांचे स्पष्ट हेतू आहेत. मोदी गॅरंटी देतात कारण ते गॅरंटी पूर्ण करण्यासाठी कठोर परिश्रम करतात.