पाकिस्तान, चीनसह जगातील तीन देशांमध्ये भूकंप ; जाणून घ्या, कुठे आणि किती होती तीव्रता? Earthquake in three country

पाकिस्तान, चीनसह जगातील तीन देशांमध्ये भूकंप ; जाणून घ्या, कुठे आणि किती होती तीव्रता?

अलीकडच्या काळात नेपाळसह भारताच्या शेजारील देशांमध्ये भूकंपाचे जोरदार धक्के जाणवत आहेत. Earthquake in three country

विशेष प्रतिनिधी

नवी दिल्ली : पाकिस्तान आणि चीनसह जगातील तीन देशांमध्ये मंगळवारी सकाळी भूकंपाचे जोरदार धक्के जाणवले. आतापर्यंत तीन देशांमध्ये झालेल्या या भूकंपामुळे कुठलीही जीवित वा वित्तहानी झाल्याचे वृत्त नाही. मात्र गाढ झोपलेले लोक भूकंपामुळे घाबरले आणि तासनतास घराबाहेर उभे राहिले.

सर्व प्रथम, पापुआ न्यू गिनीच्या उत्तरेकडील किनारपट्टीवर जोरदार भूकंप झाले. राष्ट्रीय भूकंप विज्ञान केंद्रानुसार, मंगळवारी पहाटे 03:16 वाजता भूकंपाचे हे धक्के जाणवले. या भूकंपाची तीव्रता रिश्टर स्केलवर 6.5 इतकी मोजली गेली. काही वेळाने शेजारील देश पाकिस्तानची भूमी हादरली. नॅशनल सिस्मॉलॉजी सेंटरने सांगितले की, पाकिस्तानात पहाटे 03.38 वाजता भूकंप झाला. या भूकंपाची तीव्रता रिश्टर स्केलवर 4.2 एवढी होती. याशिवाय चीनमधील जिजांगमध्ये 5.0 तीव्रतेचा भूकंप जाणवला.

Earthquake in Delhi-NCR : राजधानी दिल्ली आणि आसपासच्या परिसरात जाणवले भूकंपाचे जोरदार धक्के

अलीकडच्या काळात नेपाळसह भारताच्या शेजारील देशांमध्ये भूकंपाचे जोरदार धक्के जाणवत आहेत. नेपाळमध्ये नुकत्याच झालेल्या भूकंपामुळे सुमारे 157 लोकांचा मृत्यू झाला आणि हजारो लोक गंभीर जखमी झाले. या काळात भारत सरकारने नेपाळला बरीच मदत केली आणि मदत साहित्य पाठवले. याशिवाय मोठ्या प्रमाणात गंभीर जखमींवर भारतात उपचार करण्यात आले.