प्रतिनिधी
मुंबई – जर कोळसा टंचाईचा गैरफायदा घेऊन काही कंपन्यांनी आधी ठरवलेल्या किंमतीपेक्षा तिप्पट दराने वीज विकून वितरण कंपन्यांकडून बक्कळ पैसा कमावला असेल तर ते गंभीर आहे. असे असेल तर यामध्ये केंद्र सरकारने हस्तक्षेप करणे गरजेचे आहे, अशी मागणी महाराष्ट्र नवनिर्माण सेनेने केली आहे.Disadvantages of coal scarcity Companies sell electricity at triple the rate
मनसेच्या अधिकृत ट्विटर हँडलवरून अनिल शिदोरे यांनी इकॉनॉमिक टाइम्सची एक बातमी शेअर करून काही कंपन्यांची नफाखोरी केल्याचा आरोप केला आहे. हिंदुस्थान पॉवर लिमिटेड, अदानी पॉवर स्टेज २ आणि तिस्ता स्टेज ३ या कंपन्यांनी १८ रूपये युनिट दराने वीज विक्री केल्याचे बातमीत म्हटले आहे.
काही राज्यांच्या वीज वितरण कंपन्या ४ ते ६ रूपये प्रतियुनिटने वीज विकण्याऐवजी १६ ते १८ रूपये प्रतियुनिटने वीज विकत असल्याचे आढळून आल्याचे बातमीत नमूद केले आहे. केंद्रीय ऊर्जा सचिव अलोक कुमार यांनी वीज दरावर लक्ष देण्याची महत्त्वाची सूचना राज्य सरकारांना केल्याचेही निदर्शनास आणून देण्यात आले आहे.
ही बातमी अनिल शिदोरे यांनी मनसे अधिकृत या ट्विटर हँडलवरून शेअर करीत सामान्य ग्राहकाला वीज दरवाढीचा फटका बसल्याकड सरकारचे लक्ष वेधले आहे. तसेच केंद्र सरकारने यामध्ये हस्तक्षेप करण्याची देखील मागणी केली आहे.
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more
Download App