काँग्रेस पुन्हा एकटी, बंगाल आणि पंजाबनंतर आता ‘या’ राज्यातही बिघडलं गणित!

By, Pravin Pawar - February 13, 2024 05:30:21

0

विरोधकांच्या महाविकास आघाडीमधील पक्षांचे अंतर्गत मतभेद समोर येत आहेत

विशेष प्रतिनिधी

नवी दिल्ली : पंजाबमध्ये आम आदमी पार्टी आणि काँग्रेसने स्वतंत्रपणे निवडणूक लढवण्याची घोषणा केली आहे. आम आदमी पार्टी (आप) आणि काँग्रेसला दिल्लीत एकत्र निवडणूक लढवायची होती, मात्र आता दिल्लीतही युती तुटण्याच्या दिशेने वाटचाल सुरू आहे. आम आदमी पार्टीच्या समितीने आज म्हणजेच मंगळवारी बैठक घेतली आणि स्पष्टपणे सांगितले की, आम्ही काँग्रेसची वाट पाहून थकलो आहोत. ‘आप’ने आता दिल्लीत सहा जागा लढवणार असून काँग्रेससाठी एक जागा सोडणार असल्याचे म्हटले आहे. वेळेवर प्रतिसाद न मिळाल्यास ‘आप’ या 6 जागांवर उमेदवारांची नावेही जाहीर करेल, असेही स्पष्ट करण्यात आले आहे.Congress alone again after Bengal and Punjab now alone in Delhi too

मध्य प्रदेश, राजस्थान आणि पंजाबनंतर आता छत्तीसगड कॉंग्रेसमध्ये बेबनाव सुरू, भूपेश बघेल अडीच वर्षांचेच मुख्यमंत्री?

इतकंच नाही तर दक्षिण गोव्यातून आपने वेंजी वेगासलाही आपला उमेदवार घोषित केलं आहे. काँग्रेस ही जागा ‘आप’ला कधीच देणार नाही. यासोबतच ‘आप’ने भरूचमधून चैत्रा बसवा आणि भावनगरमधून उमेश भाई मकवाना यांना गुजरातमधील दोन जागांसाठी उमेदवार म्हणून घोषित केले आहे. गुजरातमधील आणखी सहा जागांवर उमेदवार जाहीर करणार असल्याचेही सांगण्यात आले आहे. काँग्रेस कोणत्याही परिस्थितीत गुजरातमध्ये इतक्या जागांवर ‘आप’सोबत युती करणार नाही, हे उघड आहे.

‘आप’चे संघटनेचे सरचिटणीस, राज्यसभा खासदार संदीप पाठक यांनी बैठकीनंतर सांगितले की, इंडिया आघाडीबाबत देशात आशा आणि उत्साह आहे. आम्ही आघाडीमध्ये आलो तेव्हा आमच्या हिताचा विचार करण्याचा विचार नव्हता. आम्ही प्रामाणिकपणा आणि समर्पणाने आघाडीसोबत आहोत, पण निवडणूक लढवणे आणि देशाला नवा पर्याय देणे हे इंडिया आघाडीचे उद्दिष्ट आहे. उमेदवार वेळेवर जाहीर करणे, प्रचाराची रणनीती ठरवणे हेही आघाडीत सामील आहे.