Himanta Biswa Sarma : आसाममधील बांगलादेश सीमेला लागून असलेल्या भागात जातीय तणाव

By, Pravin Wankhade - June 14, 2025 09:00:55

0

उपद्रवींना दिसताच गोळ्या घालण्याचे आदेश मुख्यमंत्री सरमा यांचे विधान

विशेष प्रतिनिधी

गुवाहाटी: Himanta Biswa Sarma बांगलादेशला लागून असलेल्या आसाममधील धुबरी जिल्ह्यात जातीय तणाव रोखण्यासाठी उपद्रवींना दिसताच गोळ्या घालण्याचे आदेश आसामचे मुख्यमंत्री हिमंता बिस्वा सरमा यांनी दिले आहेत. हिंसाचारग्रस्त भागांना भेट दिल्यानंतर मुख्यमंत्र्यांनी सांगितले की मंदिरात गोमांस फेकण्याची घटना कधीच घडायला नको होती. यामध्ये सहभागी असलेल्यांना सोडले जाणार नाही. बांगलादेशच्या सीमेला लागून असलेल्या धुबरी जिल्ह्यात रात्रीच्या वेळी दिसताच गोळ्या घालण्याचे आदेश लागू केले जातील असे ते म्हणाले.Himanta Biswa Sarma

हिमंत बिस्वा सरमा यांनी इन्स्टाग्रामवरील पोस्टमध्ये लिहिले आहे की, “मी धुबरीला भेट दिली आणि अधिकाऱ्यांना मंदिरे आणि पवित्र स्थळांची विटंबना करणाऱ्यांवर कडक कारवाई करण्याचे आदेश दिले आहेत. धुबरी शहरातील एका मंदिराजवळ मांसाचे तुकडे आढळल्यानंतर लोकांनी निषेध केला. त्यानंतर परिसरात तणाव वाढला.

ठाकरे ब्रँड कुणी मोडू नाही शकत हे खरं, पण राज ठाकरे इतरांना त्या ब्रँडशी खेळू का देतायेत??

मुख्यमंत्री सरमा यांनी शुक्रवारी धुबरीला भेट देऊन परिस्थितीचा आढावा घेतला. दगडफेकीच्या घटनेत सहभागी असलेल्यांना अटक केली जाईल असे त्यांनी सांगितले. मुख्यमंत्र्यांनी सांगितले की, जिल्ह्यात आरएएफ आणि केंद्रीय राखीव पोलिस दल कर्मचारी तैनात केले जातील आणि धुबरीतील सर्व गुन्हेगारांना अटक केली जाईल. कायदा हातात घेणाऱ्यांवर कडक कारवाई केली जाईल असे त्यांनी सांगितले.