बहुचर्चित ‘सिटी ऑफ ड्रीम’ या वेब सिरीजचा तिसरा सीजन लवकरच प्रेक्षकांच्या भेटीला

By, Pravin Wankhade - May 17, 2023 07:08:35

0

पौर्णिमा गायकवाड नेमकी कशी साकारली, अभिनेत्री प्रिया बापटने शेअर केला अनुभव.

पुणे : डिस्नी + हॉटस्टार या ओटीटी प्लॅटफॉर्मवरच्या ”द सिटी ऑफ ड्रीम “या लोकप्रिय वेब सिरीजचा तिसरा सीजन 26 मे रोजी रिलीज होतोय. या आधीचे दोन्हीही सीजन प्रेक्षकांनी डोक्यावर उचलून घेतले होते.. महाराष्ट्राच्या राजकारणावर आधारित असलेली ही सिरीज आणि मुंबई शहरा भोवती फिरणार ते राजकारण. प्रेक्षकांच्या चांगल्याच पसंतीसं उतरलं होतं.City of Dream web series third season is releasing soon

अभिनेता अतुल कुलकर्णी, अभिनेत्री प्रिया बापट अभिनेते सचिन पिळगावकर, यासारखे दिग्गज या वेब सिरीजमध्ये काम करतायेत. सिटी ऑफ ड्रीम या सिरीज मधली प्रिया बापटीची “पौर्णिमा गायकवाड ही राजकारणी स्त्रीची भूमिका विशेष लक्षवेधी ठरली होती. राजकारण आणि राजकारणामधली महत्त्वकांक्षा हा धागा पकडून ही सिरीज पुढे जाते.

सचिन वाझे, अँटिलिया स्फोटके, मनसुख हिरेन हत्याकांड प्रकरणावर लवकरच वेब सिरीज

पौर्णिमे गायकवाड या भूमिकेबद्दल प्रिया सांगते, पौर्णिमा आणि प्रिया या दोघींच्या स्वभावामध्ये बरीच तफावत आहे. माझा मूळ स्वभाव असा हा नाही. प्रत्येक गोष्टीवर तिची व्यक्त होण्याची जी पद्धत आहे ती फार वेगळी आहे. सुरुवातीला या सगळ्या गोष्टी आत्मसात करायला थोडा वेळ लागला.

View this post on Instagram

A post shared by Disney+ Hotstar (@disneyplushotstar)

परंतु जेव्हा तुमच्याकडे उत्तम लिखाण आणि चांगला दिग्दर्शक असतो. तेव्हा तुम्ही तुमची भूमिका योग्य प्रकारे लोकांसमोर घेऊन जाऊ शकता. या भूमिकेने मला अनेक गोष्टी शिकवल्या. त्या सगळ्या गोष्टी अभिनेत्री म्हणून आणि एक व्यक्ती म्हणून कायम माझ्या जवळ राहतील.

दरम्यान सिटी ऑफ ड्रीमचा पहिला सीजन 2019 मध्ये दुसरा सीजन 2021 मध्ये तर तिसरा सीजन येत्या 26 मे रोजी प्रसारित होणार आहे.