सीआयएसएफच्या हवालदारावर पाकसाठी हेरगिरीचा आरोप; तीन मोबाइल जप्त, चौकशी सुरू|CISF constable accused of spying for Pakistan; Three mobile phones seized, investigation underway

सीआयएसएफच्या हवालदारावर पाकसाठी हेरगिरीचा आरोप; तीन मोबाइल जप्त, चौकशी सुरू

वृत्तसंस्था

हैदराबाद : आंध्र प्रदेश पोलिसांनी सोमवारी विशाखापट्टणममध्ये केंद्रीय औद्योगिक सुरक्षा दलाच्या (CISF) कॉन्स्टेबलचे फोन जप्त केले. संशयितावर पाकिस्तानी गुप्तचर संस्थेशी संबंधित लोकांच्या संपर्कात आणि हेरगिरीत सहभागी असल्याचा आरोप आहे. त्यांचे तीन मोबाईल जप्त करण्यात आले आहेत. कॉन्स्टेबल कपिल कुमार जगदीश भाई देवमुरारी (31) यांच्यावर तमिषा नावाच्या महिलेला विशाखापट्टणम स्टील प्लांटची सुरक्षा आणि माहिती पुरवल्याचा आरोप आहे.CISF constable accused of spying for Pakistan; Three mobile phones seized, investigation underway

सीआयएसएफ इन्स्पेक्टर सरवणन सीनुवासन यांनी संशयिताच्या विरोधात तक्रार दाखल केली, ज्याचा पाकिस्तानी गुप्तचर संस्थेशी संबंध असल्याचा संशय आहे. सहाय्यक पोलिस आयुक्त त्रिनाड म्हणाले, “आम्ही देवमुरारीचा फोन तपासला तेव्हा त्याच्या सोशल मीडिया अकाउंटवरील सर्व मेसेज डिलीट करण्यात आले होते. आम्हाला संशय आहे की तो संवेदनशील माहिती शेअर करत असे. आम्ही तीन फोन जप्त केले असून ते फॉरेन्सिक लॅबमध्ये पाठवले आहेत.

पाकसाठी ‘डरना जरूरी है’; वायुसेनाप्रमुखांचा पुन्हा एअरस्ट्राईकचा इशारा

तमिषा नाव सेव्ह नंबर भारतीय

सहायक पोलिस आयुक्तांच्या म्हणण्यानुसार, देवमुरारीच्या फोनवर तमिषाच्या नावाने सेव्ह केलेला नंबर भारतीय आहे. पोलिसांनी कायद्याच्या विविध कलमांतर्गत गुन्हा दाखल केला. त्रिनाड यांनी सांगितले की देवमुरारी हा मूळचा गुजरातचा रहिवासी असून त्याच्या कारवायांबाबत अद्याप कोणतेही ठोस पुरावे सापडले नसल्याने त्याला अटक करण्यात आलेली नाही. विजयवाडा येथील फॉरेन्सिक लॅबमधून याबाबत माहिती मिळाल्यानंतर त्यांना अटक करण्यात येईल, असे त्यांनी सांगितले.