केंद्राचा साखर कारखान्यांना दणका; उसापासून इथेनॉल निर्मिती करण्यावर घातली बंदी; दर नियंत्रणासाठी निर्णय Center's crackdown on sugar mills

केंद्राचा साखर कारखान्यांना दणका; उसापासून इथेनॉल निर्मिती करण्यावर घातली बंदी; दर नियंत्रणासाठी निर्णय

वृत्तसंस्था

नवी दिल्ली : सध्या देशभरातस साखरेच्या दरात प्रचंड वाढ झाली आहे. कारण ऊसाच्या उत्पादनात घट झाल्याचा परिणाम दरांवर होत आहे. दरम्यान, याबाबत केंद्र सरकारने मोठा निर्णय घेतला आहे. येत्या जूनपासून ऊसापासून इथेनॉल निर्मितीवर बंदी घालण्याचा निर्णय घेतला आहे. या निर्णयाबाबत अधिसूचनाही जारी करण्यात आली आहे. या निर्णयानंतर देशांतर्गत बाजारपेठेतील साखरेच्या वाढत्या किमतींवर नियंत्रण ठेवण्यास मदत होईल, असे जानकारांचे म्हणणे आहे. Center’s crackdown on sugar mills; Prohibition on production of ethanol from sugarcane; Decisions for rate control

जूनपासून इथेनॉल तयार करण्यावर बंदी

दरम्यान, याबाबत ग्राहक व्यवहार आणि अन्न पुरवठा मंत्रालयाने दिलेल्या माहितीनुसार, जीवनावश्यक वस्तू कायदा 1955 अंतर्गत, अन्न आणि सार्वजनिक वितरण विभाग देशातील साखरेचे उत्पादन, विक्री आणि उपलब्धता यावर लक्ष ठेवतो. ज्यामुळं स्थिर किंमतीवर साखरेची उपलब्धता सुनिश्चित होते.

नितीन गडकरी यांनी जगातील पहिली १०० टक्के इथेनॉल इंधन असणारी कार केली लाँच!

सरकारनं 2023-24 या काळात साखर कारखान्यांना आणि डिस्टिलरींना साखरेच्या रसापासून इथेनॉल बनवू नये असे आदेश दिले आहेत. हा आदेश तात्काळ लागू झाला आहे. परंतु बी-हेवी मोलॅसेसपासून इथेनॉलचा पुरवठा करण्यासाठी तेल विपणन कंपन्यांकडून प्राप्त झालेल्या आदेशांसाठी इथेनॉलचा पुरवठा सुरु राहणार आहे. या निर्णयाबाबत मंत्रालयाने पेट्रोलियम मंत्रालयालाही कळवले आहे.

भारत सरकार साखरेपासून इथेनॉल निर्मितीच्या उत्पादनावर बंदी घालू शकते, अशा बातम्या येताच, आंतरराष्ट्रीय बाजारपेठेत न्यूयॉर्क एक्सचेंजमध्ये साखरेचे भाव सुमारे 8 टक्क्यांनी घसरले आहेत. या निर्णयाचा परिणाम देशांतर्गत बाजारातही दिसून येईल, असे मानले जात आहे. साखरेचे भाव खाली येण्याची आता वर्तविली जात आहे.