CDS Helicopter Crash : जीव गमावणाऱ्यांत सीडीएस रावत व त्यांच्या पत्नीव्यतिरिक्त या ११ जणांचाही समावेश, वाचा त्यांच्याबद्दल…

By, Vishal Joshi - December 9, 2021 11:33:41

0

देशाचे पहिले चीफ ऑफ डिफेन्स स्टाफ जनरल बिपिन रावत यांचे बुधवारी तामिळनाडूमधील कुन्नूर येथे हेलिकॉप्टर अपघातात निधन झाले. त्यांच्यासोबत त्यांची पत्नी मधुलिका व्यतिरिक्त 13 लष्करी जवान आणि अधिकारी होते. ब्रिगेडियर एलएस लिडर, लेफ्टनंट कर्नल हरजिंदर सिंग, विंग कमांडर पीएस चौहान, स्क्वाड्रन लीडर के सिंग, नाईक गुरसेवक सिंग, नाईक जितेंद्र कुमार, लान्स नाईक विवेक कुमार, लान्स नाईक बी. साई तेजा, ज्युनियर वॉरंट ऑफिसर दास, ज्युनियर वॉरंट ऑफिसर ए प्रदीप आणि हवालदार सतपाल हे त्यात स्वार होते. CDS Helicopter Crash these 11 Army Men were also among those who lost their lives with CDS Rawat and his wife, Read about them

वृत्तसंस्था

नवी दिल्ली : देशाचे पहिले चीफ ऑफ डिफेन्स स्टाफ जनरल बिपिन रावत यांचे बुधवारी तामिळनाडूमधील कुन्नूर येथे हेलिकॉप्टर अपघातात निधन झाले. त्यांच्यासोबत त्यांची पत्नी मधुलिका व्यतिरिक्त 13 लष्करी जवान आणि अधिकारी होते. ब्रिगेडियर एलएस लिडर, लेफ्टनंट कर्नल हरजिंदर सिंग, विंग कमांडर पीएस चौहान, स्क्वाड्रन लीडर के सिंग, नाईक गुरसेवक सिंग, नाईक जितेंद्र कुमार, लान्स नाईक विवेक कुमार, लान्स नाईक बी. साई तेजा, ज्युनियर वॉरंट ऑफिसर दास, ज्युनियर वॉरंट ऑफिसर ए प्रदीप आणि हवालदार सतपाल हे त्यात स्वार होते. हेलिकॉप्टर अपघातात ग्रुप कॅप्टन वरुण सिंग हे एकमेव बचावले आहेत.

Bipin Rawat : सीडीएस बिपीन रावत यांचं पार्थिव आज मिलिट्री विमानाने दिल्लीला आणणार ; उद्या अंत्यसंस्कार

सीडीएस होण्यापूर्वी जनरल रावत यांनी लष्करप्रमुखांव्यतिरिक्त अनेक महत्त्वाची पदे भूषवली होती. 2015 चे म्यानमार काउंटर इनसर्जन्सी ऑपरेशन आणि 2016 मध्ये उरी हल्ल्यानंतरचे सर्जिकल स्ट्राइक हे त्याचे दोन धक्कादायक ऑपरेशन होते. या दुर्घटनेत रावत व त्यांचे पत्नीचे दु:खद निधन झाले आहे. उद्या त्यांच्या पार्थिवावर दिल्लीत अंत्यसंस्कार होतील.

१. नाईक गुरसेवक सिंग हे पंजाबमधील तरनतारन जिल्ह्यातील दोडे गावचे रहिवासी होते. गुरसेवक सिंग हे लष्कराच्या 9 पॅरा स्पेशल फोर्स युनिटमध्ये तैनात होते.
२. जवान जितेंद्र कुमार हे मध्य प्रदेशातील सिहोर येथील धामांडा गावचे रहिवासी होते. 2011 मध्ये ते सैन्यात भरती झाले होते. त्यांची आई आजारी आहे, त्यामुळे त्यांना त्यांच्या मुलाच्या मृत्यूची माहिती देण्यात आलेली नाही.
३. पृथ्वी सिंग चौहान हे आग्रा येथील रहिवासी होते. ते 2000 मध्ये हवाई दलात दाखल झाले. आता ते कोईम्बतूरजवळील एअरफोर्स स्टेशनवर तैनात होते. ते त्यांच्या आई-वडिलांचा एकुलते एक सुपुत्र होते. त्यांना तीन मोठ्या बहिणी आहेत.
४. ब्रिगेडियर एलएस लिडर हे चीफ ऑफ डिफेन्स स्टाफचे संरक्षण सहाय्यक होते. ते पंचकुलाचे रहिवासी होते आणि त्यांना सेना पदक आणि विशिष्ट सेवा पदक मिळाले होते.
५. लेफ्टनंट कर्नल हरजिंदर सिंग, लान्स नाईक विवेक कुमार, लान्स नाईक बी. साई तेजा, हवालदार सतपाल, स्क्वाड्रन लीडर के. सिंह, ज्युनियर वॉरंट आफिसर दास व ज्युनियर वॉरंट ऑफिसर ए. प्रदीप यांचाही मृतांमध्ये समावेश आहे.
UP च्या देवरियाचे रहिवासी ग्रुप कॅप्टन वरुण सिंह या दुर्घटनेत एकमेव बचावले आहेत. त्यांच्यावर वेलिंग्टनच्या लष्करी रुग्णालयात उपचार सुरू आहेत. ते तामिळनाडूच्या वेलिंग्टनमध्येच तैनात आहेत. ऑगस्टमध्ये त्यांना शौर्य चक्राने सम्मानित करण्यात आले होते.