कर्नाटकात भारत जोडो यात्रेच्या बोलबाल्यात विजयपूर सह अन्य महापालिका निवडणुकांमध्ये भाजप विजयी

By, Pravin Wankhade - November 2, 2022 06:26:23

0

वृत्तसंस्था

बेंगलोर : कर्नाटकात भारत जोडो यात्रेच्या बोलभाल्यात विविध महापालिकांच्या निवडणुकांमध्ये भाजपने विजयाचा डंका वाजवला आहे. राहुल गांधींची भारत जवळ यात्रा सध्या तेलंगणात असली तरी ती कर्नाटकाचा बहुतांश भाग व्यापून तेलंगणात आली आहे. BJP wins in Vijaypur and other municipal elections in Karnataka on the sway of Bharat Jodo Yatra

दक्षिण कर्नाटकातील चामराज नगर जिल्ह्यातील कोल्लेगल नगरपालिका पोटनिवडणुकीत 7 पैकी 6 जागा भाजपने जिंकल्या आहेत, तर पूर्वीचे विजापूर आणि आत्ताचे विजयपूर या महापालिकेची पहिलीच निवडणूक भाजपने बहुमतासह जिंकली आहे.

कर्नाटकाचा हाच तो परिसर आहे जेथून राहुल गांधींची भारत जोडो यात्रा मोठा गाजावाजा करून गेली होती. कर्नाटकातले काँग्रेस नेते आणि कार्यकर्ते या यात्रेमुळे फुल चार्ज झाले होते मात्र, महापालिका निवडणुकीमध्ये आणि पोटनिवडणुकीमध्ये त्याचा फारसा परिणाम दिसला नाही. विजापूर महापालिकेच्या पहिल्याच निवडणुकीत एकूण 35 जागांपैकी 17 जागांवर भाजपने विजय मिळवला. 2 जागा भाजपच्या बंडखोरांनी मिळवल्या. 10 जागांवर काँग्रेसने विजय मिळवला, तर दोन जागा असदुद्दीन ओवैसी यांच्या एआयएमआयएम पक्षाला मिळाल्या आहेत.

In Karnataka where Bharath Jodo Yatra energised @INCKarnataka , in Kollegala municipality down south @BJP4Karnataka wins 6 out of 7 wards where by elections were held . Congratulations Team BJP Kollegala .

— B L Santhosh ( Modi Ka Parivar ) (@blsanthosh) October 31, 2022

काँग्रेसचा मुस्लिम उमेदवार फार्म्युला

विजयपूर मध्ये काँग्रेसने सर्व म्हणजे 35 जागांवर स्वतंत्रपणे उमेदवार उभे केले होते. यापैकी 17 उमेदवार मुस्लिम होते. त्यापैकी 6 उमेदवार विजयी होऊ शकले आहेत. बेळगावी मध्ये 18 जागा काँग्रेसने जिंकले आहेत त्यापैकी 9 उमेदवार मुस्लिम आहेत तर कलवरी मध्ये 27 जागा काँग्रेसने जिंकले असून त्यापैकी 18 उमेदवार मुस्लिम आहेत.

विजयपूर सह सर्व महापालिका निवडणुकांमध्ये काँग्रेसने जास्तीत जास्त मुस्लिम उमेदवार दिले या मुद्द्यावरून भाजपच्या स्थानिक नेत्यांनी काँग्रेसवर मुस्लिमांचे लांगुलचालन चालविल्याचा आरोप केला आहे.