भारताकडे वाकड्या नजरेने पहाल तर खबरदार; चीफ ऑफ डिफेन्स स्टाफ जनरल बिपिन रावत यांनी तालिबानी दहशतवाद्यांना खडसावले

By, Vishal Joshi - August 26, 2021 11:24:57

0

वृत्तसंस्था

नवी दिल्ली : भारताकडे वाकड्या नजरेने पहाल तर सडेतोड उत्तर देऊ, असा इशारा चीफ ऑफ डिफेन्स स्टाफ (CDS) जनरल बिपिन रावत यांनी तालिबानी दहशतवाद्यांना दिला आहे. भविष्यात अफगाणिस्तानमधून भारतात येणाऱ्या प्रत्येक दहशतवादी हालचालींना उत्तर देण्याची तयारी लष्कराने केली असल्याचं ते म्हणाले. Beware if you look at India with a crooked eye; Chief of Defense Staff General Bipin Rawat warned Taliban militants

रावत म्हणाले की, अफगाणिस्तानवर कब्जा केलेल्या तालिबानचे रुप हे २० वर्षापूर्वी जे होतं तेच आताही आहे. त्यामुळे त्या वेळेप्रमाणेच आताही भारतात घुसखोरी होण्याची शक्यता आहे. त्यासंबंधीच्या प्रत्येक आव्हानाला तोंड देण्याची तयारी केली आहे. या आव्हानाला तोंड देण्यासाठी लष्कराची योजना तयार आहे.

तालिबान्यांच्या भारताविरोधातील संभाव्य कारवाया मोडून काढू – सरसेनाध्यक्ष रावत यांचा इशारा

ते पुढे म्हणाले की, अफगाणिस्तानवर तालिबानी कब्जा करणार हे निश्चित होतं. पण ते जलदगतीने हालचाल करतील आणि सत्ता हातात घेतील असे वाटले नव्हते.

आताची तालिबान ही २० वर्षापूर्वीची असून फक्त त्याचे सहकारी बदलले आहेत. त्यामुळे भारताची चिंता वाढली आहे. या आधी १९८९ च्या दरम्यान रशिया हा अफगाणिस्तानमधून पराभूत होऊन परतला होता, त्यानंतर तालिबानी दहशतवादी कारवाया वाढल्या होत्या. पाकिस्ताननेही भारतात दहशतवादी कारवाया वाढवल्या होत्या.