हनी ट्रॅपमध्ये अडकलेल्या बांगलादेशी खासदाराचे 'अनार'च्या कसाईने केले तुकडे-तुकडे!|Bangladeshi PMs Pomegranate butcher caught in honey trap cuts bananas into pieces

हनी ट्रॅपमध्ये अडकलेल्या बांगलादेशी खासदाराचे ‘अनार’च्या कसाईने केले तुकडे-तुकडे!

मृतदेह पोत्यात भरून त्याची विल्हेवाट लावली; सीआयडीने संपूर्ण प्रकरण उघडले

विशेष प्रतिनिधी

कोलकाता : बांगलादेशचे खासदार अन्वारुल अझीम अनार यांच्या हत्येप्रकरणी पश्चिम बंगाल सीआयडीने एका कसाईला अटक केली आहे. राज्यातील उत्तर 24 परगणा जिल्ह्यातील बोनगाव परिसरातून एका व्यक्तीला अटक करण्यात आली आहे. एका अधिकाऱ्याने शुक्रवारी (24 मे) ही माहिती दिली.Bangladeshi PMs Pomegranate butcher caught in honey trap cuts bananas into pieces

पीटीआय या वृत्तसंस्थेने दिलेल्या माहितीनुसार, कसाई असलेल्या या व्यक्तीने चौकशीदरम्यान कबूल केले की त्याने मृतदेहाचे तुकडे करण्यात आणि नंतर शरीराच्या अवयवांची वेगवेगळ्या ठिकाणी विल्हेवाट लावण्यात मदत केली होती. 13 मे रोजी कोलकाता येथून बेपत्ता झाल्यानंतर बंगाल पोलिसांनी बुधवारी बांगलादेशातील झेनैदह-4 भागातील अवामी लीगचे खासदार अनार यांच्या हत्येची पुष्टी केली.

DRDO शास्त्रज्ञाच्या पोलीस कोठडीत वाढ, हनी ट्रॅपमध्ये अडकून पाकिस्तानला गोपनीय माहिती दिल्याचा आरोप

पश्चिम बंगाल सीआयडी पथकाने शुक्रवारी अटक केलेल्या व्यक्तीला भांगर भागात नेले, जिथे शरीराचे विच्छेदन केलेले अवयव प्लास्टिकच्या पिशव्यामध्ये टाकून वेगवेगळ्या ठिकाणी फेकले गेले, असे अधिकाऱ्याने सांगितले. पोलीस अधिकाऱ्याने सांगितले, “आरोपी बांगलादेशी नागरिक असून तो व्यवसायाने कसाई आहे. तो बेकायदेशीरपणे भारतात घुसला होता आणि आपली खरी ओळख लपवून मुंबईत राहत होता.

तो म्हणाला, “अनारच्या हत्येच्या कटाचा एक भाग म्हणून कसाईला काही महिन्यांपूर्वी कोलकाता येथे बोलावण्यात आले होते. फ्लॅटमध्ये राजकारण्याचा खून करणाऱ्या चौघांना मदत केल्याचे आरोपीने कबूल केले आहे. शरीरातील कातडी काढून मृतदेहाचे तुकडे करण्यात त्यांनी त्यांना मदत केली होती. यासोबतच खासदार हनी ट्रॅपमध्ये अडकल्याचा पोलिसांना संशय आहे. एका महिलेने त्याला फ्लॅटवर नेले त्यानंतर त्याची हत्या करण्यात आली.