तृणमूल काँग्रेसच्या राजवटीत महिलांवर अत्याचार, संदेशखळीत जे घडले ते लाजिरवाणे - मोदींचा घणाघात!|Atrocities against women under the rule of Trinamool Congress what happened in Sandeshkhali is a shame Modi's attack!

तृणमूल काँग्रेसच्या राजवटीत महिलांवर अत्याचार, संदेशखळीत जे घडले ते लाजिरवाणे – मोदींचा घणाघात!

महिलांमध्ये टीएमसी सरकारविरोधात रोष आहे. असंही मोदी म्हणाले.

विशेष प्रतिनिधी

संदेशखळी वादाच्या पार्श्वभूमीवर पंतप्रधान नरेंद्र मोदी बुधवारी उत्तर 24 परगणामधील बारासात येथे पोहोचले. येथे त्यांनी नारी शक्ती वंदन अभिनंदन कार्यक्रमाला संबोधित केले. यावेळी मोदी म्हणाले की, भाजप महिला शक्तीला विकसित भारताची शक्ती बनवत आहे. आजचा भव्य कार्यक्रम याचा साक्षीदार आहे. भाजप सरकार वेगाने काम करत आहे.Atrocities against women under the rule of Trinamool Congress what happened in Sandeshkhali is a shame Modi’s attack!

ते म्हणाले की, गेल्या 10 वर्षांत भाजपने बंगालच्या विकासासाठी प्रामाणिकपणे काम केले. एवढं काम पाहून सारा देश म्हणतोय की, अबकी बार एनडीए सरकार 400 पार! पश्चिम बंगालही म्हणतोय अबकी बार एनडीए सरकार!

तृणमूल काँग्रेसच्या नेत्याची जीभ घसरली, प्रभु रामचंद्राच्या मंदिराला म्हणाले अपवित्र स्थळ

त्याचवेळी ‘कुटुंब’वरील वक्तव्यावरून पंतप्रधान मोदींनी विरोधी पक्षांवर जोरदार निशाणा साधला. ते म्हणाले की, आजकाल विरोधक माझ्या कुटुंबाबद्दल विचारत आहेत. ते म्हणाले की हे लोक विचारतात माझे कुटुंब कुठे आहे? बंगालची प्रत्येक आई आणि बहीण मोदींचे कुटुंब आहे. या टोकाच्या परिवारवाद्यांनी इथे एकदा बघितले पाहिजे. पंतप्रधान मोदी म्हणाले की, प्रत्येक देशवासी मोदींना आपले कुटुंब म्हणत आहे. देशातील प्रत्येक गरीब माणूस मोदींना आपले कुटुंब म्हणत आहे.

मोदी म्हणाले की, पश्चिम बंगालमध्ये टीएमसीच्या राजवटीत महिलांवर अत्याचार होत आहेत. संदेशखळी येथे जे घडले ते लज्जास्पद आहे. ते म्हणाले की, ममता सरकारचा जुलमी सरकारवर विश्वास आहे. संदेशखळीत घडलेल्या प्रकारामुळे शरमेने राज्याची मान झुकली आहे.. महिलांमध्ये टीएमसी सरकारविरोधात रोष आहे. ममता सरकारचा बहिणी आणि मुलींवर विश्वास नाही.