Amit Shah अहमदाबादेतील विमान दुर्घटनास्थळी अमित शहांनी केली पाहणी अन् म्हणाले…

By, Pravin Wankhade - June 13, 2025 07:30:20

0

गुजरातमधील फॉरेन्सिक सायन्स लॅबोरेटरी आणि राष्ट्रीय फॉरेन्सिक सायन्स युनिव्हर्सिटी पीडितांच्या डीएनएची तपासणी करेल.Amit Shah

विशेष प्रतिनिधी

अहमदाबाद – केंद्रीय गृहमंत्री अमित शाह यांनी गुरुवारी सांगितले की, अहमदाबादमध्ये कोसळलेल्या एअर इंडियाच्या विमानाचे तापमान इंधन जळल्यामुळे इतके जास्त होते की कोणालाही वाचवण्याची शक्यता नव्हती. शाह यांनी पत्रकारांना सांगितले की, “विमानात १.२५ लाख लिटर इंधन होते. विमान गरम झाले होते, त्यामुळे कोणालाही वाचवण्याची शक्यता नव्हती.” या दुर्घटनेनंतर संपूर्ण देशाला मोठा धक्का बसला आहे. Amit Shah

Fadnavis Announces : सर्व लोकल एसी होणार– भाडेवाढ नाही! देवेंद्र फडणवीसांची मोठी घोषणा

अमित शाह यांनी अपघातात मृत्युमुखी पडलेल्यांच्या कुटुंबीयांबद्दल शोक व्यक्त केला. ते म्हणाले, “डीएनए चाचणी आणि मृतांची ओळख पटवल्यानंतर अधिकारी अधिकृतपणे मृतांची संख्या जाहीर करतील. चांगली बातमी अशी आहे की अपघातातून एक व्यक्ती वाचली आहे आणि मी त्याला भेटून येथे आलो आहे.

अमित शाह म्हणाले, “विमान अपघातात मृत्युमुखी पडलेल्यांच्या मृतदेहांचे डीएनए नमुने गोळा करण्याची प्रक्रिया पूर्ण झाली आहे. गुजरातमधील फॉरेन्सिक सायन्स लॅबोरेटरी आणि राष्ट्रीय फॉरेन्सिक सायन्स युनिव्हर्सिटी पीडितांच्या डीएनएची तपासणी करेल.”

घटनेनंतर लगेचच, गुजरात सरकारने आरोग्य विभाग, अग्निशमन दल, पोलिस विभाग आणि भारत सरकारच्या सीएपीएफ युनिट्ससह सर्व आपत्ती व्यवस्थापन युनिट्सना सतर्क केले आणि ते सर्व मदत आणि बचाव कार्यात सहभागी झाले. अशीही माहिती शहांनी दिली.