Ahmedabad Plane Crash : अहमदाबाद विमान अपघाताच्या ठिकाणी सापडले 800 ग्रॅम सोने; 80 हजार रोख, पासपोर्ट- भगवद्गीता

By, Pravin Wankhade - June 18, 2025 07:00:20

0

वृत्तसंस्था

अहमदाबाद : Ahmedabad Plane Crash अहमदाबादहून लंडनला जाणाऱ्या एअर इंडियाच्या AI-171 (बोईंग 787-8 ड्रीमलायनर) विमानाचा ज्या ठिकाणी अपघात झाला, त्या ठिकाणाहून 80 तोळे (800 ग्रॅम) सोने, ₹80,000 रोख, एक मोबाईल फोन, भगवद्गीतेची प्रत, 9 पासपोर्ट आणि इतर वस्तू जप्त करण्यात आल्या आहेत.Ahmedabad Plane Crash

घटनेदरम्यान घटनास्थळी पोहोचलेले राजेश पटेल यांच्या मते, जेव्हा ते घटनास्थळी पोहोचले तेव्हा अंधार होता. ढिगाऱ्यात एक मोबाईल फोन आणि एक लॅपटॉप सापडला. याशिवाय दागिने, रोख रक्कम आणि पासपोर्ट देखील सापडले. हे सर्व सरकारी अधिकाऱ्यांकडे जमा करण्यात आले आहे. ४-५ बॅगा देखील देण्यात आल्या आहेत.

गृह राज्यमंत्री हर्ष संघवी यांनी १५ जून रोजी सांगितले होते की, घटनास्थळावरून जप्त केलेल्या वस्तूंचे कागदपत्रे तयार केली जात आहेत. त्यानंतर, मृतांचे सामान त्यांच्या कुटुंबियांना परत केले जाईल.

प्रधानमंत्री धरती आबा योजनेतून महाराष्ट्रात आदिवासींना प्रातिनिधीक स्वरुपात वनपट्टे वाटप!!

१२ जून रोजी दुपारी विमान कोसळले. उड्डाण केल्यानंतर काही सेकंदातच विमान बीजे मेडिकल कॉलेज आणि हॉस्पिटलच्या वसतिगृहाच्या इमारतीवर कोसळले. त्यानंतर विमानाला आग लागली.

या घटनेत विमानातील २२९ प्रवासी, १० क्रू मेंबर्स आणि २ पायलट मृत्युमुखी पडले. विमानातील एक प्रवासी बचावला. वसतिगृहात उपस्थित असलेल्या ३४ जणांनाही आपले प्राण गमवावे लागले. त्यात काही स्थानिक लोकांचाही समावेश होता.

१२ जून रोजी अहमदाबादमध्ये झालेल्या विमान अपघाताचा एक नवीन व्हिडिओ समोर आला आहे. या व्हिडिओमध्ये वैद्यकीय महाविद्यालयीन विद्यार्थी वसतिगृहाच्या इमारतीच्या तिसऱ्या आणि चौथ्या मजल्यावरून उड्या मारताना दिसत आहेत. एअर इंडियाचे विमान मेस इमारतीवर कोसळले. त्याचा परिणाम मेसच्या आजूबाजूच्या वसतिगृह इमारतींवरही जाणवला. अनेक वसतिगृह इमारतींना आग लागली.

व्हिडिओमध्ये दिसतंय की ज्या इमारतीच्या बाल्कनीतून विद्यार्थी खाली येण्याचा प्रयत्न करत आहेत त्या इमारतीला दोन्ही बाजूंनी आग लागली आहे. विद्यार्थी चादरीच्या मदतीने चौथ्या मजल्यावरून तिसऱ्या मजल्यावर उतरण्याचा प्रयत्न करत आहेत.