पंजाबप्रमाणे उत्तराखंडमध्ये मतदारांना केजरीवाल यांनी दिले मोफत विजेचे आश्वासन। AAP will give free power in Uttarakhand

पंजाबप्रमाणे उत्तराखंडमध्ये मतदारांना केजरीवाल यांनी दिले मोफत विजेचे आश्वासन

विशेष प्रतिनिधी

डेहराडून : आम आदमी पक्षाने उत्तराखंडसाठीही मोफत विजेचे आश्वासन दिले आहे. आप सत्तेवर आल्यास प्रत्येक कुटुंबाला तीनशे युनिट वीज मोफत मिळेल, अशी घोषणा पक्षाचे नेते अरविंद केजरीवाल यांनी केली आहे. पुढील वर्षी निवडणुकीला सामोरे जाणाऱ्या या राज्यात भाजपची सत्ता आहे.
ते म्हणाले की, पाच वर्षांपूर्वी दिल्लीचे राज्यही तोट्यात होते, पण आता फायद्यात असल्याचा महालेखापालांचा अहवाल सांगतो. मोफत विजेसाठी फक्त बाराशे कोटी रुपये खर्च येतो. अंदाजपत्रक ५० हजार कोटी रुपयांचे आहे. AAP will give free power in Uttarakhand

केजरीवाल सरकारने DTC बसेसच्या खरेदीत केला 3500 कोटींचा घोटाळा, भाजप आरोपांवर उपमुख्यमंत्री सिसोदिया म्हणाले- आश्चर्य वाटतंय!

याआधी गेल्या महिन्यात पंजाबसाठी केजरीवाल यांनी अशीच घोषणा केली होती. ते म्हणाले, अनेक ठिकाणी लोकांना भरमसाठ बिले आली आहेत. एका व्यक्तीला ६० हजार रुपयांचे बिल आले. त्यात दुरुस्ती करण्यासाठी तो जातो. तेव्हा दहा हजार रुपये भरल्यास उरलेले बिल माफ असे त्याला सांगितले जाते. त्यामुळे त्याची फरफट होते. चुकीच्या बिलांचे प्रमाण इतके प्रचंड आहे की संपूर्ण यंत्रणाही हा घोळ सावरू शकणार नाही.