इसवी सन 2100 पर्यंत हिमालयातील 75% हिमशिखरे वितळणार, 8 देशांतील 200 कोटी लोकांना धोका; गंगेसह 12 नद्या संकटात|75% of Himalayan glaciers to melt by 2100 AD, threatening 200 million people in 8 countries; 12 rivers including Ganga in crisis

इसवी सन 2100 पर्यंत हिमालयातील 75% हिमशिखरे वितळणार, 8 देशांतील 200 कोटी लोकांना धोका; गंगेसह 12 नद्या संकटात

वृत्तसंस्था

नवी दिल्ली : हिमालयातील हिमशिखरे वेगाने वितळत आहेत. शास्त्रज्ञांनी अंदाज वर्तवला आहे की, इसवी सन 2100 पर्यंत हिमालयातील 75% हिमशिखरे वितळतील. यामुळे हिमालयाच्या खाली जमिनीवर राहणाऱ्या सुमारे 200 कोटी लोकांना पाणी टंचाई आणि पुराचा धोका असेल. या देशांमध्ये भारत, पाकिस्तान, भूतान, अफगाणिस्तान, चीन, म्यानमार, नेपाळ आणि बांगलादेश यांचा समावेश आहे.75% of Himalayan glaciers to melt by 2100 AD, threatening 200 million people in 8 countries; 12 rivers including Ganga in crisis

काठमांडूच्या इंटरनॅशनल सेंटर फॉर इंटिग्रेटेड माउंटन डेव्हलपमेंटने (ICIMOD) ही माहिती दिली आहे. आगामी काळात हिमस्खलनाच्या घटनांमध्येही झपाट्याने वाढ होणार असल्याचे सांगण्यात आले. अल जझीराच्या म्हणण्यानुसार, ग्लेशियर वितळण्याचा परिणाम जे ग्लोबल वॉर्मिंगला कारणीभूतच नाहीत, त्यांच्यावर होणार आहे.

महाराष्ट्रात मुसळधार पाऊस : पुण्यात पाणीच पाणी, औरंगाबाद-चंद्रपूरमध्ये नद्यांना पूर

अहवालात म्हटले आहे की 2010 पासून हिमालय 65% वेगाने वितळत आहे. जर जगाचे तापमान 1.5°C ते 2°C ने वाढले तर 2100 पर्यंत ग्लेशियर्स 30% ते 50% वेगाने वितळतील.

तथापि, सध्याच्या अंदाजानुसार, तापमान 3 अंशांनी वाढण्याची शक्यता आहे, अशा परिस्थितीत हिमनद्या 75% वेगाने वितळतील. भारतातील गंगा आणि घाघरा नदीसह 12 नद्यांना धोका निर्माण होऊ शकतो, असे या अहवालात सांगण्यात आले आहे.

2000 वर्षांचा बर्फ 30 वर्षांत संपला

हवामान बदलामुळे 2000 वर्षांत जो बर्फ संपणार होता तो अवघ्या 30 वर्षांत संपुष्टात आल्याचे या अहवालात सांगण्यात आले आहे. पर्यावरणावर काम करणारे शास्त्रज्ञ फिलिप वेस्टर यांनी सांगितले की येत्या 100 वर्षांत आपण हिमालयातील हिमनद्या गमावणार आहोत.

3500 किलोमीटर पसरलेल्या हिमालयात 8 देश आहेत. हिमालयातील 200 ग्लेशियर सरोवरे धोक्यात असल्याचे सांगण्यात येत आहे. पर्यावरणतज्ज्ञ पॅन पियर्सन यांच्या मते, एकदा का ग्लेशियरचा बर्फ वितळू लागला की, पाणी परत मिळणे कठीण असते. त्यामुळेच तापमान 1.5 अंश सेल्सिअसपर्यंत राहणे आवश्यक आहे.