पाकिस्तान-चीन सीमेवर 3000 क्षेपणास्त्रे तैनात होणार; देशातच होणार निर्मिती, 6800 कोटींचा प्रकल्प|3000 missiles to be deployed on Pakistan-China border; 6800 crores project to be produced in the country

पाकिस्तान-चीन सीमेवर 3000 क्षेपणास्त्रे तैनात होणार; देशातच होणार निर्मिती, 6800 कोटींचा प्रकल्प

वृत्तसंस्था

नवी दिल्ली : भारत चीन-पाकिस्तान सीमा आणखी मजबूत करण्याच्या तयारीत आहे. याअंतर्गत दोन्ही देशांच्या सीमेवर 3000 क्षेपणास्त्रे तैनात करण्याची योजना आहे. ही क्षेपणास्त्रे खांद्यावरून मारा करणाऱ्या क्षेपणास्त्र लाँचरमधून डागता येतात.3000 missiles to be deployed on Pakistan-China border; 6800 crores project to be produced in the country

ही क्षेपणास्त्रे 6800 कोटी रुपयांच्या प्रकल्पात देशात बनवली जाणार आहेत. या प्रकल्पाला व्हेरी शॉर्ट रेंज एअर डिफेन्स सिस्टम (VSHORAD) असे नाव देण्यात आले आहे.

निर्भय क्रूझ क्षेपणास्त्राची यशस्वी चाचणी; 300 किलो शस्त्र वाहून नेण्याची क्षमता; अख्खा पाकिस्तान टप्प्यात

सध्या दोन कंपन्या VSHORAD बनवत आहेत

या योजनेनुसार लष्कर 500 लाँचर आणि सुमारे 3000 क्षेपणास्त्रे खरेदी करण्याचा विचार करत आहे. ही देशात बनवली जातील. एवढेच नव्हे तर अन्य संबंधितांना सोबत घेऊन जुनी निविदा रद्द करण्याची शक्यता लष्कर विचारात घेत आहे. जुन्या इग्ला-1एम क्षेपणास्त्रांच्या बदल्यात होणारा विलंब पाहता रशियन इग्ला-एसची निवड करण्यात आली.

संरक्षण मंत्रालयाच्या अधिकाऱ्याने दिलेल्या माहितीनुसार, लष्कर आणि हवाई दलातील सध्याच्या VSHORAD क्षेपणास्त्रांमध्ये इन्फ्रारेड (lR) होमिंग मार्गदर्शन प्रणाली आहे. Igla-1M VSHORAD क्षेपणास्त्र प्रणाली 1989 मध्ये समाविष्ट करण्यात आली. 2013 मध्ये ते डि-इंडक्शन करण्याची योजना होती.

अधिकाऱ्यांनी असेही सांगितले की, सध्या हैदराबादची सार्वजनिक क्षेत्रातील कंपनी आणि पुण्याची खासगी कंपनी लेझर बीमने व्हीशोरॅड बनवत आहे. हे सीमेवर तैनात केले जातील, जेणेकरून शत्रूची ड्रोन, लढाऊ विमाने आणि हेलिकॉप्टर नष्ट करता येतील.

संरक्षण मंत्रालयाच्या अधिकाऱ्यांचे म्हणणे आहे की, VSHORAD क्षेपणास्त्रांनी युक्रेन-रशिया युद्धात आपली क्षमता सिद्ध केली आहे.