तेलंगणमध्ये भाजप आमदाराच्या हत्येसाठी 20 कोटींची सुपारी? बीआरएसच्या आमदारावर गंभीर आरोप|20 crore betel nut for killing BJP MLA in Telangana? Serious allegations against BRS MLA

तेलंगणमध्ये भाजप आमदाराच्या हत्येसाठी 20 कोटींची सुपारी? बीआरएसच्या आमदारावर गंभीर आरोप

वृत्तसंस्था

हैदराबाद : तेलंगणातील भाजप आमदार एटेला राजेंद्र यांनी बीआरएस आमदार कौशिक रेड्डी यांच्यावर आपल्या हत्येचा कट रचल्याचा गंभीर आरोप केला आहे. त्यांना मारण्यासाठी 20 कोटींची सुपारी देण्यात आल्याचे आमदार म्हणाले. आमदार एटेला राजेंद्र यांनी बुधवारी हनमकोंडा दौऱ्यावर असताना काझीपेठमध्ये माध्यमांशी संवाद साधला आणि मुख्यमंत्री केसीआर यांच्यावरही जोरदार हल्ला चढवला.20 crore betel nut for killing BJP MLA in Telangana? Serious allegations against BRS MLA

तेलंगणमध्ये देवी कन्याक परमेश्वरीला ४ कोटी रुपयांच्या नोटांचा हार; मंदिरही सजले नोटांनी

मला मारण्यासाठी 20 कोटींची सुपारी दिली…

राजेंद्र यांनी आरोप केला की मुख्यमंत्र्यांनी आमदार पाडी कौशिक रेड्डी यांना विरोधकांना आणि अगदी माध्यमांना धमकावण्याचे विशेष काम हाती घेतले आहे. बीआरएस आमदार पाडी कौशिक रेड्डी यांनी स्थानिक पत्रकारावर हल्ला केल्याचा आरोप आमदाराने केला आहे. रिपोर्टर मुदिराज असल्याचे समजल्यानंतर त्यांनी समाजाला शिवीगाळही केली. हुजूराबादचे भाजप आमदार ऐटला राजेंद्र म्हणाले, “सोशल मीडियावर फिरत असलेल्या ऑडिओ क्लिपमध्ये त्याने (कौशिक रेड्डी) मला (राजेंद्र) 20 कोटी रुपयांची सुपारी देऊन ठार मारण्याची धमकी दिली होती.”

ऐटला राजेंद्र हे तेच आमदार आहेत ज्यांच्यावर भाजपचे प्रदेशाध्यक्ष बंदी संजय यांच्याशी मतभेद असल्याच्या बातम्याही आल्या होत्या. भाजपचे काही नेते आणि बीआरएसमधून भाजपमध्ये आलेले एटेला राजेंद्र हे राज्य युनिटचे अध्यक्ष बंदी संजय यांच्या कार्यशैलीवर नाराज आहेत. काही दिवसांपूर्वी ते पुन्हा बीआरएसमध्ये गेल्याच्या बातम्याही आल्या होत्या. अशा स्थितीत मंगळवारी अमित शहा यांनी बंदी संजय आणि प्रदेश भाजपच्या नेत्यांना परस्पर गटबाजी संपवून सामूहिक नेतृत्वाखाली लढा देण्यास सांगितले.