Chief Minister Sarma : …अन् संतप्त मुख्यमंत्री सरमांनी दिले दिसताच गोळ्या घालण्याचे आदेश!

By, Pravin Wankhade - June 13, 2025 09:00:27

0

जाणून घ्या, नेमकं काय आहे प्रकरण आणि कोणाला गोळ्या घालण्याचे दिले आहेत आदेश?

विशेष प्रतिनिधी

Chief Minister Sarma आसाममधील धुबरी जिल्ह्यात अलिकडेच झालेल्या जातीय तणावानंतर मुख्यमंत्री हिमंता बिस्वा सरमा यांची प्रतिक्रिया आली आहे. त्यांनी सांगितले की, यावेळी बकरी ईदच्या दिवशी धुबरीच्या हनुमान मंदिरात गोमांस फेकून काही समाजकंटकांनी घृणास्पद आणि निंदनीय गुन्हा केला आहे. आमच्या मंदिरांना नुकसान पोहोचवण्याच्या उद्देशाने एक विशिष्ट वर्ग सक्रिय झाला आहे, म्हणून आम्ही पोलिसांना बेकायदेशीर कृत्य दिसताच गोळ्या घालण्याचे आदेश दिले आहेत.Chief Minister Sarma

ते म्हणाले की, ‘’येणाऱ्या बकरी ईदच्या दिवशी गरज पडल्यास मी स्वतः रात्रभर हनुमान बाबांच्या मंदिराचे रक्षण करेन. धुबरीत एक नवीन गोमांस माफिया उदयास आला आहे, ज्याने ईदच्या अगदी आधी हजारो प्राणी खरेदी केले आहेत. चौकशी सुरू आहे आणि दोषींना तुरुंगात टाकले जाईल.”

Fadnavis Announces : सर्व लोकल एसी होणार– भाडेवाढ नाही! देवेंद्र फडणवीसांची मोठी घोषणा

आसामचे मुख्यमंत्री म्हणाले, “मी धुबरी येथे भेट दिली आणि अधिकाऱ्यांना सूचना दिल्या की, आमची मंदिरे आणि पवित्र स्थळे अपवित्र करणाऱ्या घटकांविरुद्ध शून्य सहनशीलता पाळावी. शहरातील हनुमान मंदिरात गोमांस फेकण्याची घटना कधीच घडायला नको होती आणि त्यात सहभागी असलेल्यांना सोडले जाणार नाही. जिल्ह्यात कायदा आणि सुव्यवस्था लागू करण्यासाठी आणि सर्व जातीय शक्तींना पराभूत करण्यासाठी आम्ही पूर्णपणे वचनबद्ध आहोत.”

एक विशिष्ट गट अत्यंत सक्रिय झाला –

मुख्यमंत्री हिमंता बिस्वा सरमा म्हणाले, “अलीकडेच आसाम आणि बांगलादेशात काही राजकीय बदल झाले आहेत. यानंतर, एक विशिष्ट गट ऑनलाइन आणि जमिनीवर अत्यंत सक्रिय झाला आहे. धुबरी येथील हनुमान मंदिरात गोमांस फेकण्याच्या घटनेसारखे सुनियोजित नकारात्मक वातावरण निर्माण करण्याचा प्रयत्न करत आहे.”

रविवारी (८ जून २०२५) आसामच्या धुबरी शहरात मंदिराजवळ मांस फेकल्याच्या विरोधात निदर्शने झाली, ज्यामुळे परिस्थिती आणखी बिकट झाली. परिस्थिती नियंत्रित करण्यासाठी पोलिसांना अश्रुधुराच्या नळकांड्या फोडाव्या लागल्या.