यूपीत मुख्यमंत्री उद्धव ठाकरेंवर होणार FIR दाखल, ठाकरेंच्या अडचणीत होणार वाढ

By, Ayesha Tamboli - August 26, 2021 12:04:08

0

शिवसेनेकडून राणेंवर केलेली कारवाई ही सुडबुद्धीतून करण्यात आल्याचा आरोप भाजपने केला आहे. आता शिवसेनेला जशासतसे उत्तर देण्यासाठी भाजप उत्तर प्रदेशात मुख्यमंत्री उद्धव ठाकरे यांच्याविरोधात तक्रार दाखल करणार आहे.UP,Udhav Thackeray will be held on the FIR, Thackeray’s distribution

विशेष प्रतिनिधी

मुंबई : केंद्रीय मंत्री नारायण राणे यांच्या अटकेनंतर आता भाजप चांगलच आक्रमक झाल्याचं पाहायला मिळतयं .भाजपने उत्तर प्रदेशात मुख्यमंत्री उद्धव ठाकरे यांच्याविरोधात FIR दाखल करण्याच्या हालचाली सुरु झाल्या आहेत.

त्यामुळे आता मुख्यमंत्र्यांच्या अडचणीत वाढ होण्याची शक्यता निर्माण झाली आहे . मुख्यमंत्री उद्धव ठाकरे यांनी उत्तर प्रदेशचे मुख्यमंत्री योगी आदित्यनाथ यांच्याबद्दल २५ ऑक्टोबर २०२० च्या दसरा मेळाव्यात आक्षेपार्ह वक्तव्य केले होते. या वक्तव्यावरुन आता भाजप उद्धव ठाकरे यांच्याविरोधात FIR दाखल करणार आहे.

Narayan Rane Arrest : नारायण राणे यांच्या अटकेमुळे भाजपचे राष्ट्रीय अध्यक्ष ठाकरे सरकारवर कडाडले, जेपी नड्डा म्हणाले – न डरेंगे, न दबेंगे!

नारायण राणे यांनी मुख्यमंत्र्यांच्या कानशिलात लगावण्याची भाषा केली होती. त्यानंतर मग शिवसेना आक्रमक झाली आणि शिवसैनिकांकडून राणेंविरोधात विविध पोलीस ठाण्यास तक्रार दाखल करण्यात आली.

दरम्यान पोलिसांनी राणेंवर गुन्हा दाखल केला आणि त्यांना अटक करण्यात आली . त्यानंतर राणेंना जामीन मिळाला पण, शिवसेनेकडून ही कारवाई सुडबुद्धीतून करण्यात आल्याचा आरोप आता भाजपने केला आहे.

आता शिवसेनेला जशासतसे उत्तर देण्यासाठी भाजप उत्तर प्रदेशात मुख्यमंत्री उद्धव ठाकरे यांच्याविरोधात तक्रार दाखल करणार असल्याची माहिती आहे.

मुख्यमंत्री उद्धव ठाकरे यांच्या अडचणीत वाढ

यूपी मुख्यमंत्र्याच्या विरोधात केलेलं वक्तव्य भोवणार

भाजपची उत्तरप्रदेशात FIR दाखल करण्याच्या हालचाली #भाजप #शिवसेना pic.twitter.com/FLE4Xi5gbs

— Rashmi Puranik (@Marathi_Rash) August 25, 2021

यूपी मुख्यमंत्री योगींच्या विरोधात केलेलं हे वक्तव्य उध्दव ठाकरेंना आता भोवणार आहे.”आमचे दैवत छत्रपती शिवाजी महाराज यांना हार घालायला हा योगी चप्पल घालून जातो. वाटते तर असे की, तीच चप्पल घ्यावी आणि त्याच्या थोबाडात हाणावी”, असं वक्तव्य उद्धव ठाकरे यांनी दसरा मेळाव्यात केलं होतं.

याचा आधार घेत भाजप शिवसेनेला प्रत्युत्तर देण्याचा प्रयत्न करत आहे. याचा व्हिडिओ भाजपने बुधवारी व्हायरल केला. यानंतर मुख्यमंत्र्यांवर विविध कलमान्वये गुन्हे दाखल करावे, अशी मागणी भाजपकडून करण्यात येत आहे.

दरम्यान विविध पोलीस ठाण्यामध्ये मुख्यमंत्र्याविरोधात एफआयआर दाखल करण्यात आल्याची माहिती मिळाली आहे . त्यामुळे उद्धव ठाकरे यांच्या अडचणी वाढल्या आहेत. पुढे या प्रकरणात काय होतं याकडे सगळ्याचं लक्ष असणार आहे.