केमिकल फेकले, साडी ओढली... केतकी चितळे म्हणाली- पवारांवर नव्हती पोस्ट, राष्ट्रवादीच्या कार्यकर्त्यांनी कोठडीत केले गैरवर्तन|Throwing chemicals, wearing sari Ketki Chitale said There was no post on Pawar, NCP workers misbehaved in jail

केमिकल फेकले, साडी ओढली… केतकी चितळे म्हणाली- पवारांवर नव्हती पोस्ट, राष्ट्रवादीच्या कार्यकर्त्यांनी कोठडीत केले गैरवर्तन

वृत्तसंस्था

मुंबई : मराठी अभिनेत्री केतकी चितळे हिचा राष्ट्रवादीच्या कार्यकर्त्यांनी कोठडीत विनयभंग केला. तिच्यावर केमिकल फेकण्यात आले. तिच्या साडीचा पदरही ओढण्यात आला. टाइम्स नाऊला दिलेल्या मुलाखतीत अभिनेत्रीने याचा खुलासा केला आहे. राष्ट्रवादी काँग्रेसचे अध्यक्ष शरद पवार यांचा अपमान केल्याप्रकरणी केतकीला मे महिन्यात अटक करण्यात आली होती. ज्या पोस्टसाठी 22 एफआयआर दाखल करण्यात आले त्या पोस्टचा शरद पवार यांच्याशी संबंध नव्हता असेही ती म्हणाली. सत्तेचा गैरवापर केल्याबद्दल त्यांनी महाराष्ट्रातील महाविकास आघाडी सरकारला फटकारले.Throwing chemicals, wearing sari Ketki Chitale said There was no post on Pawar, NCP workers misbehaved in jail

सुमारे 40 दिवस तुरुंगात काढल्यानंतर चितळे नुकतीच जामिनावर बाहेर आली आहे. मोहम्मद जुबेरच्या अटकेवर आझादी-आझादीचा नारा देणारे लोक कुठे होते, जेव्हा तिला एका पोस्टसाठी कोणतीही कायदेशीर प्रक्रिया न करता अटक करण्यात आली होती, असा सवालही तिने विचारला. या मुलाखतीत केतकीने झुबेरच्या अटकेवरून भाषण स्वातंत्र्यासाठी गळा काढणाऱ्या लोकांवर निशाणा साधला. मला अटक झाली तेव्हा राहुल गांधी, शशी थरूर, ओवेसी, जयराम रमेश, डेरेक ओब्रायन, अजित अंजुम, रबीश कुमार, ममता बॅनर्जी, राणा अयुब आणि महुआ मोइत्रा यांच्यासह इतर कुठे होते, असेही अभिनेत्रीने विचारले.

मुंबई-पुणे एक्सप्रेस वेवर केमिकल टँकर उलटला; महामार्गावर वाहनांच्या लांबच लांब लागल्या रांगा

#KetakiFreeSpeech

I was unlawfully picked up from my house without any prior notice, without any statement. I was molested during police custody by NCP workers: Ketaki Chitale, Actor@thenewshour AGENDA @PadmajaJoshi pic.twitter.com/JGklSFZUgg

— TIMES NOW (@TimesNow) June 28, 2022

अभिनेत्री म्हणाली, “जेव्हा मला 41 दिवस तुरुंगात ठेवले होते तेव्हा हे लोक कुठे होते. हे लोक काय करत होते? एका विचारधारेचे असल्यामुळे हे लोक झुबेरचा बचाव करत आहेत का?”

केतकी म्हणाली, “मला खोट्या प्रकरणात अटक करण्यात आली. मी शरद पवारांबद्दल बोललेही नाही. संपूर्ण पोस्टमध्ये शरद पवार यांच्याबद्दल कोणताही दावा करण्यात आलेला नाही. मला माझ्या घरातून बेकायदेशीरपणे उचलण्यात आले. कोणतीही नोटीस दिली नाही, कोणतेही निवेदन दिले नाही आणि कोणत्याही अटक वॉरंटशिवाय मला अटक करण्यात आली. पोलिस कोठडीत राष्ट्रवादीच्या कार्यकर्त्यांनी माझ्याशी गैरवर्तन केले. एका पोस्टसाठी माझ्यावर एक नाही, तर 22 एफआयआर नोंदवण्यात आले.

विशेष म्हणजे 27 जून रोजी महाराष्ट्र पोलिसांनी मुंबई उच्च न्यायालयाला चितळेला यापुढे अटक करणार नसल्याचे सांगितले होते. यापूर्वीच्या एका खटल्यात तिला जामीन मिळाला होता. आता या प्रकरणावर 12 जुलै रोजी उच्च न्यायालयात सुनावणी होणार आहे.