आनंदाची बातमी : टिसीएस, इन्फोसिस, विप्रोकडून एक लाख फ्रेशर्सना नोकरी ; टेक सर्व्हिसेस सेक्टरमध्ये मोठी भरती

वृत्तसंस्था

मुंबई : टिसीएस, इन्फोसिस, विप्रो या कंपन्यांनी नव्याने नोकर भरतीची प्रक्रिया सुरु करण्यावर लक्ष केंद्रित केले असून त्या अंतर्गत १ लाख फ्रेशरची भरती पुढील वर्षी म्हणजे २०२२ मध्ये करण्यात येणार असल्याचे वृत्त आहे. Tcs Infosys Wipro plan hire in 1 lakh freshers in financial year 2022
वित्तीय वर्ष २१ च्या सुरूवातीस भरती प्रक्रियेत ९,००० ची घट होती. मात्र, या वित्तीय वर्षात आता ४०,००० ची भर पडली. टाटा कन्सल्टन्सी सर्व्हिसेस, इन्फोसिस आणि विप्रो या तीन भारतातील सर्वात मोठ्या टेक सर्व्हिसेस सेक्टर या वर्षामध्ये 1 लाख फ्रेशर्स भरती उद्दीष्ट आहे. टीसीएसने पहिल्या तिमाहीत २०,०००पेक्षा जास्त कर्मचाऱ्यांना नोकरी दिली. भारतात गुणवत्तेची मागणी वाढत असताना इन्फोसिसने ८,३०० कर्मचारी आणि विप्रोने १२,००० नवीन कर्मचारी भरती केले आहेत.

टीसीएस

या आर्थिक वर्षात ते भारतभरातील कॉलेजमधून ४०,००० फ्रेशर्स भरती करतील.आधीच पाच लाखाहून अधिक लोक आहेत आणि या क्षेत्रातील सर्वात मोठे नोकरदार आहेत, असे टीसीएसचे मुख्य मानव संसाधन अधिकारी मिलिंद लकड यांनी सांगितले. मागील वर्षी अमेरिकन कॅम्पसमधून २ हजार प्रशिक्षणार्थी घेतले होते; यावर्षी देखील ती संख्या जास्त असेल. लाकड म्हणाले की, कोविड असतानाही गेल्या वर्षी अक्षरशः तीन लाख ६० हजार फ्रेशर्स ऑनलाईन प्रवेश परीक्षेला उपस्थित होते. यावर्षी भारतात ४०,००० किंवा त्यापेक्षा जास्त लोकांना भरती करणार आहे.



इन्फोसिस

पदवीधर भरतीचा जागतिक स्तरावर सुमारे ३५,००० पर्यंत विस्तार करण्याची इन्फोसिसची योजना आहे. जून २०२१ तिमाहीच्या शेवटी इन्फोसिसमध्ये एकूण २,६७,९५३ लोक काम करत होते. इन्फोसिसचे मुख्य कार्यकारी अधिकारी प्रवीण राव म्हणाले, डिजिटल टॅलेंटची मागणी वाढत जाते तसतसे उद्योगातील वाढ ही एक आव्हान ठरू शकते. पदवीधरांना भरती करत आमच्या प्रशिक्षण वर्षाच्या जागतिक स्तरावरील भरती कार्यक्रमाचा विस्तार करून ही मागणी पूर्ण करणार आहे.

विप्रो

कंपनीच्या आयटी सेवा कर्मचार्‍यांच्या एकूण संख्येने २ लाखांचा टप्पा पार केला असून ही संख्या जून २०२१ मध्ये २०९,८९०होती. या दरम्यानच विप्रोने ५ वर्षाच्या कालावधीत ७५० दशलक्ष डॉलर्सची पहिली डॉलर-बोनस ऑफर जारी केली. २०२२ च्या पहिल्या तिमाहीत १०,००० हून अधिक लोक हायर केले, त्यामध्ये जवळपास २००० फ्रेशर्स होते. विप्रोची दुसऱ्या तिमाहीत ६००० फ्रेशर्स घेण्याची योजना आहे. विप्रोने आर्थिक वर्ष २३ मध्ये ३०,००० लोकांना भरती करुन घेण्याची योजना आखली असून त्यातील २२,००० फ्रेशर्स असतील.

Tcs Infosys Wipro plan hire in 1 lakh freshers in financial year 2022

महत्त्वाच्या बातम्या