जो बायडेन आणि पुतीन यांच्यात चर्चा, उद्धव ठाकरे आहेत कोण?; राऊतांचे टोले शिंदेंना, निघाली ठाकरेंची!!Sanjay Raut targeted Eknath Shinde, but mimicriked Uddhav Thackeray

जो बायडेन आणि पुतीन यांच्यात चर्चा, उद्धव ठाकरे आहेत कोण?; राऊतांचे टोले शिंदेंना, निघाली ठाकरेंची!!

प्रतिनिधी

नागपूर : टोले हाणायला गेले शिंदेंना, पण निघाली ठाकरेंची अशी अवस्था संजय राऊत यांच्या भाषणाची झाली आहे. रशियाचे अध्यक्ष पुतीन, अमेरिकेचे राष्ट्राध्यक्ष जो बायडन आणि इंग्लडचे राजे प्रिन्स चार्ल्स या तिघांमध्ये चर्चा झाली. यावेळी त्यांनी उद्धव ठाकरे कोण आहेत? अशी विचारणा केली, असे ठाकरे गटाचे खासदार संजय राऊत म्हणाले. Sanjay Raut targeted Eknath Shinde, but mimicriked Uddhav Thackeray

राऊतांनी हा टोला मुख्यमंत्री एकनाथ शिंदे यांना लगावला. शिंदे यांनी काही दिवसांपूर्वी केलेल्या एका विधानावर राऊतांनी हे उपहासात्मक वक्तव्य केले. अमेरिकेचे माजी राष्ट्राध्यक्ष बिल क्लिंटन यांनाही शिंदे गटाच्या उठावाबद्दल उत्सुकता असल्याचा दावा शिंदे यांनी केला होता. त्यावर राऊतांनी शिंदेंना टोला हाणला. पण राऊतांचे हे भाषण व्हायरल झाले, ते मात्र हा ठाकरेंची शिवसेना संपवल्याशिवाय राहणार नाही, अशा कमेंटसह!!… त्यामुळे टोले हाणायला गेले शिंदेंना आणि निघाली ठाकरेंची, अशी अवस्था राऊतांच्या भाषणाची झाली आहे.

Sanjay Raut – Pawar : शिवसैनिकांच्या जंगी स्वागतानंतर संजय राऊत म्हणाले, मी पवारांचा माणूस!!

काय म्हणाले संजय राऊत?

राऊत म्हणाले की, रशियाचे अध्यक्ष पुतीन, अमेरिकेचे राष्ट्राध्यक्ष जो बायडन आणि इंग्लंडचे राजे प्रिन्स चार्ल्स या तिघांमध्ये उद्धव ठाकरेंबद्दल चर्चा झाली. उद्धव ठाकरे कोण आहेत? या माणसाची कमाल आहे. इतकी संकटे आली तरी ते हार मानत नाहीत, असे ते म्हणत होते. उद्या युद्धाची स्थिती निर्माण झाली तर उद्धव ठाकरेंचा सल्ला घ्यावा लागेल. जो बायडन, पुतीन यांना उद्धव ठाकरे कोण आहेत, असे विचारत होते. ते म्हणत होते मोदींना विचारा, त्यांनी अजून आपली भेट का करून दिली नाही? युक्रेनचे राष्ट्राध्यक्ष झेलेन्स्कीदेखील उद्धव ठाकरे कोण आहेत? असे विचारत होते, असे संजय राऊत म्हणाले. राऊतांच्या या भाषणाचा व्हिडीओ चांगलाच व्हायरल झाला आहे.