नारायण राणेंना जामीन मिळाला तरी त्यांना कायद्याच्या जंजाळात अडकविण्याचा प्रयत्न; २ सप्टेंबरला हजर राहण्याची नाशिक पोलीसांची नोटीस

By, Vishal Joshi - August 25, 2021 09:56:30

0

वृत्तसंस्था

नाशिक : केंद्रीय मंत्री नारायण राणे यांना जामीन मिळाला असला तरी त्यांच्या विरोधात महाराष्ट्रातील विविध शहरांमधील पोलीस स्टेशनमध्ये गुन्हे दाखल करून त्यांना कायद्याच्या जंजाळात अडकविण्याचे ठाकरे – पवार सरकारचे प्रयत्न आहेत. याच प्रयत्नांमधून नारायण राणे यांना नाशिक पोलीसांनी २ सप्टेंबरला नाशिक पोलीस ठाण्यात हजर राहण्याची नोटीस पाठविली आहे. Nashik Police send notice to Union Minister Narayan Rane in connection with an FIR against him and asked him to appear at the police station on 2nd September: Nashik Police

केंद्रीय मंत्री असताना अटक झालेले नारायण राणे तिसरे, मुरासोली मारन आणि टी. आर. बालू यांनाही मंत्रीपदावर असताना पोलीसांनी केली होती अटक

महाड कोर्टाने जामीन दिल्यानंतर नारायण राणे यांना नाशिक पोलीस आणि पुणे पोलीस ताब्यात घेणार नाहीत, असे सांगण्यात आले होते. तरीही नारायण राणे यांना अशाच नोटीसा महाराष्ट्रातील अन्य शहरांमधील पोलीस ठाण्यांमधून काढण्यात येतील आणि त्यांना कायद्याच्या जंजाळात अडकविण्याचा प्रयत्न करण्यात येईल.

Nashik Police send notice to Union Minister Narayan Rane in connection with an FIR against him and asked him to appear at the police station on 2nd September: Nashik Police#Maharashtra

— ANI (@ANI) August 25, 2021

दरम्यान, नाशिकमध्ये शिवसैनिकांनी काल सकाळी एकत्र जमून भाजपच्या बंद असलेल्या कार्यालयावर जोरदार दगडफेक करून शिवसेनेच्या आणि मुख्यमंत्री उध्दव ठाकरे यांच्या समर्थनार्थ घोषणाबाजी केली होती. यावेळी शिवसैनिक उध्दव ठाकरे यांचा उल्लेख कुटुंबप्रमुख म्हणून करीत होते. नारायण राणे यांच्या बैलाला… वगैरे घोषणाही शिवसैनिकांनी दिल्या. शिवसैनिकांनी केलेल्या दगडफेकीत भाजपच्या वसंत स्मृती कार्यालयाच्या काचा फुटल्या. पण या वेळी ते कार्यालय बंद होते. तेथे कोणीही हजर नव्हते. मात्र, याबाबत नाशिक पोलीसांनी अद्याप कोणता गुन्हा दाखल केलेला नाही.