महाराष्ट्रात नमो शेतकरी सन्मान योजना लागू; प्रधानमंत्री किसान सन्मान योजना सह एकूण मिळणार 12000 रुपये!! Namo Shetkari Samman Yojana implemented in Maharashtra

महाराष्ट्रात नमो शेतकरी सन्मान योजना लागू; प्रधानमंत्री किसान सन्मान योजना सह एकूण मिळणार 12000 रुपये!!

प्रतिनिधी

मुंबई : महाराष्ट्रात उपमुख्यमंत्री आणि अर्थमंत्री देवेंद्र फडणवीस यांनी अर्थसंकल्पात आश्वासन दिलेल्या नमो शेतकरी सन्मान योजनेला आज राज्य मंत्रिमंडळाच्या बैठकीत मान्यता देण्यात आली. त्यामुळे आता महाराष्ट्रातल्या शेतकऱ्यांना प्रधानमंत्री शेतकरी सन्मान योजनेचे 6000 रुपये त्याचबरोबर नमो शेतकरी सन्मान योजनेचे 6000 रुपये असे एकूण 12000 रुपये मिळणार आहेत. Namo Shetkari Samman Yojana implemented in Maharashtra

याखेरीज मंत्रिमंडळाच्या बैठकीत झालेले निर्णय असे

कामगारांची सुरक्षा, आरोग्य, कामाच्या स्थितीबाबत नवीन कामगार नियमांना मान्यता. लाखो कामगारांचे हित जपले.
केवळ एक रुपयात पीक विमा योजनेचा लाभ देणार. लाखो शेतकऱ्यांना मोठा दिलासा.
नमो शेतकरी महासन्मान निधी योजना राज्यात राबविणार. पीएम किसान योजनेची कार्यपद्धती सुधारणार.
‘डॉ. पंजाबराव देशमुख नैसर्गिक शेती मिशन’ योजनेस मुदतवाढ. योजना आणखी तीन जिल्ह्यात राबविणार.
सिल्लोड तालुक्यात मका संशोधन केंद्र स्थापन करणार. २२.१८ कोटी खर्चास मान्यता.
महिलांना पर्यटन व्यवसायात अधिक वाव देण्यासाठी महिला केंद्रीत पर्यटन धोरण.
राज्याला माहिती तंत्रज्ञानात देशात आघाडीवर नेणाऱ्या नवीन माहिती तंत्रज्ञान सहाय्यभूत सेवा धोरणास मान्यता. ९५ हजार कोटींची गुंतवणूक आकर्षित करणार.
कापूस उत्पादक क्षेत्रात गुंतवणूक वाढविण्यासाठी नव्या वस्त्रोद्योग धोरणास मान्यता. २५ हजार कोटींची गुंतवणूक आकर्षित करणार.
सहकारी संस्थांचे कामकाज परिणामकारक व्हावे म्हणून क्रियाशील सदस्यांची व्याख्या स्पष्ट. अधिनियमात सुधारणा करणार.
बृहन्मुंबईमध्ये समूह पुनर्विकासास मोठे प्रोत्साहन मिळणार. अधिमूल्यात ५० टक्के सवलतीचा निर्णय.
अभियांत्रिकी, औषधनिर्माण महाविद्यालयांत प्राध्यापकांची १०५ पदांची निर्मिती करणार.
नांदुरा येथील जिगाव प्रकल्पाला गती देणार. अतिरिक्त १७१० कोटीच्या खर्चास मान्यता.