वर्ध्यात घडली धक्कादायक घटना , पोलीस कर्मचाऱ्याच्या घरासमोर महिला होमगार्डने स्वतःवर रॉकेल ओतून घेतले जाळून। In Wardha, a female home guard poured kerosene on herself in front of a police officer's house

वर्ध्यात घडली धक्कादायक घटना , पोलीस कर्मचाऱ्याच्या घरासमोर महिला होमगार्डने स्वतःवर रॉकेल ओतून घेतले जाळून

डॉक्टरांनी दिलेल्या माहितीनुसार, महिला ६० ते ७० टक्के भाजली असून तिची प्रकृती अत्यंत चिंताजनक आहे. In Wardha, a female home guard poured kerosene on herself in front of a police officer’s house

विशेष प्रतिनिधी

वर्धा : वर्धा शहरालगत काल रात्री एक धक्कादायक घटना घडली आहे.वर्धा शहराजवळ असलेल्या पिपरी-मेघे येथील पोलीस कॉटर वसाहतीमध्ये आयसीबीला कार्यरत असलेले पोलीस नवनाथ मुंडे यांच्या घराच्या दरवाज्यासमोर एका महिला होमगार्डने स्वतःवर रॉकेल ओतून जाळून घेतले आहे.
रविवारी (९ जानेवारी) रात्री ९:३० वाजेच्या सुमारास ही घटना घडली आहे.

पोलीस कॉर्टर्स असलेल्या परिसरातील शरद बिल्डिंगमध्ये हा सगळा प्रकार घडला असल्याची प्राथमिक मिळत आहे.दरम्यान, या घटनेची माहिती मिळताच वर्धा पोलीस तात्काळ घटनास्थळी दाखल झाले.पोलिसांनी पंचनामा करुन या प्रकरणाचा तपास सुरु केला आहे. महिलेची प्रकृती चिंताजनक असल्याने त्यांना तिचा जबाब नोंदवता आलेला नाही.परंतु पोलीस पुढील तपास करीत आहेत.

घटना काय घडली?

पोलीस कॉटर वसाहतीमध्ये अचानक इमारतीतील एका फ्लॅटमधून मोठ्या प्रमाणात धूर येत होता.दरम्यान परिसरातील रहिवाशांनी त्या फ्लॅटच्या दिशेने धाव घेतली. यावेळी एक अनोळखी महिला फ्लॅट क्रमांक F२ च्या दरवाज्यासमोर जळत होती.दरम्यान काही नागरिकांनी तात्काळ आग विझवून महिलेला वर्ध्यातील सेवाग्राम रुग्णालयात उपचारासाठी दाखल केले.

डॉ.शिरीष गोडे यांनी राजीनामा देत काँग्रेसमध्ये केला प्रवेश ; वर्धा जिल्ह्यात भाजपला मोठा धक्का

यावेळी डॉक्टरांनी दिलेल्या माहितीनुसार, महिला ६० ते ७० टक्के भाजली असून तिची प्रकृती अत्यंत चिंताजनक आहे. त्यामुळे पुढील उपचारासाठी डॉक्टरांनी तिला नागपूरच्या शासकीय रुग्णालयात पाठवलं आहे.दरम्यान संबंधित महिला ही होमगार्ड आहे. मात्र, तिने एका पोलीस कर्मचाऱ्याच्या घरासमोर स्वत:ला का जाळून घेतले? याचे कारण अद्याप समजू शकलेले नाही.