GOOD NEWS : केंद्रीय रेल्वे राज्यमंत्री रावसाहेब दानवे यांचे मराठवाड्याला गिफ्ट! नांदेड-मनमाड ब्रॉडगेज दुहेरीकरण्याच्या सर्वेला मान्यता


  • आपल्या अधिकारात एकाच कामाची दोन टप्प्यात विभागणी करून निती आयोग व केंद्रीय मंत्रिमंडळापुढे सदर विषय न जाऊ देता कमी वेळेत कामे पूर्ण करून घेण्यासाठी दानवे यांनी हा निर्णय घेतला. GOOD NEWS: Union Minister of State for Railways Raosaheb Danve’s gift to Marathwada! Nanded-Manmad broad gauge doubling survey approved

विशेष प्रतिनिधी

जालना : गेल्या अनेक दिवसापासून नांदेड मनमाड ब्रॉडगेज दुहेरीकरण व्हावे, अशी मागणी राजकीय पक्ष व संघटनातून केली जात होती.  अनेक आंदोलने झाली परंतु या प्रयत्नाला यश आले नाही. रेल्वे राज्यमंत्री रावसाहेब दानवे यांच्या प्रयत्नानंतर अखेर नव्या वर्षाच्या पुर्वसंध्येला मराठवाड्यातील जनतेला गुड न्यूज मिळाली आहे. नांदेड-मनामाड ब्रोडगेजच्या दुहेरीकरणाच्या सर्वेला मान्यता देण्यात आली आहे.

केंद्रीय रेल्वे राज्यमंत्री रावसाहेब दानवे यांनीच आनंदाची बातमी दिली. प्रत्यक्षात या मार्गावर मालवाहतूक कमी असल्यामुळे दुहेरीकरण नाकारण्यात आल्याची चर्चा गेल्या काही दिवसांपासून सुरू होती. परंतु रावसाहेब दानवे यांनी मराठवाड्यातील जनतेच्या भावना लक्षात घेऊन सदर विषयाबाबत रेल्वे विभागाचा आढावा घेतला.अम्ब्रेला या योजनेअंतर्गत ९८ किलोमीटर दुहेरीकरणाला मान्यता देऊन १७ डिसेंबर २०२१ रोजी सदर दुहेरीकरण्याचा सर्वे करण्यासाठी निधी उपलब्ध करून दिला.



तसेच तातडीने सर्वे पूर्ण करून अंदाजपत्रक विभागाला सादर करण्याचे आदेश दिले आहेत. अम्ब्रेला योजनेत रेल्वेची विविध कामे जसे की रुंदीकरण, दुहेरीकरण व अन्य करण्यास एकत्रितपणे निधी दिला जातो.

या योजनेत कोणते काम करायचे आहे याचे सर्व अधिकार रेल्वे बोर्डाला असतात. परंतु कामाची रक्कम एक हजार कोटी पेक्षा कमी असावी, अशी त्यात अट असते. एक हजार कोटी पेक्षा जास्त खर्च एखाद्या प्रकल्पाला लागत असेल तर त्याकरिता विभागाला निती आयोग व केंद्रीय मंत्रिमंडळासमोर सदर विषय न्यावा लागतो.

म्हणून नांदेड-मनमाड दुहेरीकरणाच्या कामाला दानवे यांनी निती आयोग व केंद्रीय मंत्रिमंडळासमोर न जाऊ देता अम्ब्रेला योजनेअंतर्गत या कामाला रेल्वे बोर्डाकडून मान्यात मिळवून दिली. त्यानुसार सर्वेचे काम सुरू करण्याचे आदेश देखील संबंधित विभागाला देण्यात आले आहेत. या व्यतिरिक्त शिल्लक असलेले मार्ग दुसऱ्या टप्प्यात या अम्ब्रेला योजनेअंतर्गत घेऊन पूर्ण करण्याचे नियोजन देखील दानवे यांनी केल्याचे सांगितले. यामुळे मराठवाड्यातील नांदेड-मनमाड रेल्वे मार्गाच्या दुहेरीकरणाचा प्रश्न मार्गी लागला आहे.

GOOD NEWS : Union Minister of State for Railways Raosaheb Danve’s gift to Marathwada! Nanded-Manmad broad gauge doubling survey approved

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    शिंदे – फडणवीसांची समृद्धी महामार्गावर टेस्ट ड्राईव्ह मोदींनी केला जगातील सर्वात मोठा रोड शो! मंत्रालयात प्रवेशद्वाराजवळ महात्मा फुले, सावित्रीबाई फुले यांच्या तैलचित्राचे अनावरण