स्वातंत्र्यवीर सावरकरांच्या वंशजांनी राहुल गांधींविरोधात दाखल केला मानहानीचा खटला

By, Pravin Wankhade - April 13, 2023 06:37:58

0

वृत्तसंस्था

पुणे : काँग्रेस नेते राहुल गांधी यांच्याविरोधात मानहानीची नवी तक्रार दाखल करण्यात आली आहे. राहुल गांधींनी स्वातंत्र्यवीर सावरकरांविरोधात केलेल्या वक्तव्यासंदर्भात ही तक्रार नोंदवण्यात आली आहे. स्वातंत्र्यवीर विनायक दामोदर सावरकर यांच्या भावंडांपैकी एकाचे नातू सात्यकी सावरकर यांनी राहुल यांच्याविरोधात मानहानीचा खटला दाखल केला आहे.Descendants of freedom fighter Savarkar filed a defamation case against Rahul Gandhi

सात्यकी सावरकर यांनी बुधवारी (१२ एप्रिल) सांगितले की, राहुल गांधी दीर्घकाळापासून स्वातंत्र्यवीर सावरकरांविरोधात वक्तव्ये करत आहेत. परंतु आता आम्हाला वाटले की हे पुरे झाले, हे थांबणे आवश्यक आहे. त्यामुळे आम्ही न्यायालयात गेलो. आता न्यायालय निर्णय देईल. यापूर्वी, काँग्रेस नेत्याला ‘मोदी’ आडनावावर केलेल्या टिप्पणीबद्दल मानहानीचे दोषी ठरवल्यानंतर लोकसभेतून अपात्र ठरविण्यात आले होते.

आता महाराष्ट्रात साजरी होणार शासकीय सावरकर जयंती; २८ मे रोजी स्वातंत्र्यवीर गौरव दिन; मुख्यमंत्र्यांची घोषणा

हिमंता बिस्वा सरमा यांचा गुन्हा दाखल करण्याचा इशारा

या प्रकरणाला आव्हान देण्यासाठी काँग्रेसही कोर्टात पोहोचली आहे, जेथे 13 एप्रिल रोजी सुनावणी होणार आहे. याशिवाय आसामचे मुख्यमंत्री हिमंता बिस्वा सरमा यांनी सोशल मीडिया पोस्टवरून राहुल गांधींविरोधात मानहानीचा खटला दाखल करण्याचा इशारा दिल्यानंतर काँग्रेस नेते आणखी एका वादात अडकण्याची शक्यता आहे.

या वक्तव्यावरून गुन्हा दाखल

सात्यकी सावरकर यांनी बुधवारी एएनआय या वृत्तसंस्थेला सांगितले की, राहुल गांधी यांनी या वर्षीच्या इंग्लंड दौऱ्यात स्वातंत्र्यवीर सावरकरांविरुद्ध अशोभनीय टिप्पणी केली होती. ते म्हणाले की, राहुल गांधी गेल्या महिन्यात इंग्लंडला गेले होते आणि त्यांनी एका बैठकीत म्हटले की, स्वातंत्र्यवीर सावरकरांनी त्यांच्या पुस्तकात लिहिले होते की, एकदा त्यांचे सहकारी एका मुस्लिमाला मारहाण करत होते, हे दृश्य पाहून सावरकर खुश झाले होते, असे ते म्हणाले. स्वातंत्र्यवीर सावरकरांनी कोणत्याही पुस्तकात अशी बाब लिहिलेली नाही.”

“व्होट बँकेसाठी केले वक्तव्य”

ते म्हणाले की, राहुल गांधींचे वक्तव्य पूर्णपणे काल्पनिक आहे. राहुल गांधींनी व्होट बँकेसाठी अभ्यास न करता टिप्पणी केली आहे. राहुल गांधी अनेक दिवसांपासून अशीच वक्तव्ये करत आहेत. आम्ही न्यायालयात धाव घेतली आहे. न्यायालयाने आम्हाला 15 एप्रिलची तारीख दिली आहे. आम्ही राहुल गांधी आणि त्यांच्या काही अनुयायांकडून तथाकथित याचिका आणि पेन्शनबद्दल बरेच काही ऐकत आहोत. त्या प्रत्यक्षात उदरनिर्वाह आणि क्षमादान याचिका होत्या.