राज्यात थंडी वाढली आणि उद्यापासून पावसाचीही शक्यता

By, Vishal Joshi - November 11, 2021 02:00:55

0

राज्यात गेल्या दोन दिवसांपासून थंडीचा जोर वाढला आहे त्याचवेळी पवसाचीही शक्यता आहे. निरभ्र आकाशामुळे उत्तर भारताकडून राज्याकडे थंड वार्‍यांचा प्रवाह वाढला आहे. Cold conditions prevailed in the state and rain is also expected from tomorrow

विशेष प्रतिनिधी

पुणे : राज्यात गेल्या दोन दिवसांपासून थंडीचा जोर वाढला आहे त्याचवेळी पवसाचीही शक्यता आहे. निरभ्र आकाशामुळे उत्तर भारताकडून राज्याकडे थंड वार्‍यांचा प्रवाह वाढला आहे.

राज्यातील बहुतांश भागात गेल्या दोन दिवसांपासून कडाक्याची थंडी पडली आहे. तर उद्यापासून काही ठिकाणी पावसाची शक्यता वर्तवण्यात आली आहे. 12 ते 14 नोव्हेंबर या तीन दिवसांत राज्यातील कोकण, मध्य महाराष्ट्र आणि मराठवाड्यात ढगाळ वातावरण आहे. तुरळक ठिकाणी पावसाचा जोर वाढेल, असा अंदाज आहे.

मेघर्जनेसह कोसळणार पाच दिवस पाऊस; पुण्यासह मुंबई-ठाण्यासाठी हवामान खात्याचा इशारा

बुधवारी राज्यात सर्वात कमी तापमानाची नोंद जळगाव शहरात (11 अंश सेल्सिअस) झाली. तर पुणे शहरात 11.8 अंश सेल्सिअस तापमानाची नोंद झाली. उत्तरेकडून राज्याकडे वाहत असलेल्या थंड वार्‍यांमुळे राज्यातील सर्वच भागांत किमान तापमान सर्वसाधारणपणे 1 ते 3 अंश सेल्सिअसने घसरले होते. अगदी दिवसादेखील थंडी जाणवत होती. परंतु, दक्षिण भारतातील तामिळनाडू, आंध्र प्रदेशसह आसपासच्या राज्यांत मुसळधार पाऊस बरसत आहे. उत्तरेकडून राज्याकडे बाष्पयुक्त वारे वाहू लागले. त्यामुळे थंडीचे प्रमाण थोडे कमी आहे.