आर्यन खानच्या चॅटमध्ये बदल करण्यासाठी आणि पूजा ददलानीचे कॉल डिटेल्स काढण्यासाठी 5 लाखांची ऑफर मिळाली !Aryan Khan Drugs Case hacker Manish Bhangale says they gave me 5 lakh offer for modifying chats and CDR of Pooja Dadlani

ड्रग्ज केसमध्ये हॅकरची एंट्री : आर्यन खानच्या चॅटमध्ये बदल करण्यासाठी आणि पूजा ददलानीचे कॉल डिटेल्स काढण्यासाठी 5 लाखांची ऑफर मिळाली !

मनीष भंगाळे नावाच्या हॅकरने असा दावा केला आहे की, 6 ऑक्टोबर रोजी आलोक जैन आणि शैलेश चौधरी नावाच्या दोन व्यक्ती त्याला भेटल्या आणि पूजा ददलानीचे कॉल डिटेल्स काढण्यास सांगितले. तसेच एका व्हॉट्सअप चॅटमध्ये बदल करण्यास सांगितले. त्याबदल्यात पाच लाख रुपयांची ऑफरही देण्यात आली होती. मात्र, मनीष भंगाळे यांनी ती ऑफर नाकारली. Aryan Khan Drugs Case hacker Manish Bhangale says they gave me 5 lakh offer for modifying chats and CDR of Pooja Dadlani

प्रतिनिधी

मुंबई : मनीष भंगाळे नावाच्या हॅकरने असा दावा केला आहे की, 6 ऑक्टोबर रोजी आलोक जैन आणि शैलेश चौधरी नावाच्या दोन व्यक्ती त्याला भेटल्या आणि पूजा ददलानीचे कॉल डिटेल्स काढण्यास सांगितले. तसेच एका व्हॉट्सअप चॅटमध्ये बदल करण्यास सांगितले. त्याबदल्यात पाच लाख रुपयांची ऑफरही देण्यात आली होती. मात्र, मनीष भंगाळे यांनी ती ऑफर नाकारली.

Aryan Khan case: संजय राऊत म्हणाले – साक्षीदाराचा दावा धक्कादायक; नवाब मलिक म्हणाले- सत्याचाच विजय होईल!

आलोक जैन आणि शैलेश चौधरी यांनी प्रभाकरच्या नावाचे डमी सिमकार्ड मागितले. मनीष भंगाळे हा तोच व्यक्ती आहे ज्याने काही वर्षांपूर्वी भाजपचे तत्कालीन मंत्री एकनाथ खडसे दाऊदच्या पाकिस्तानातील घरी फोनवर बोलायचे असा दावा केला होता. त्याने लँडलाइन नंबरही शेअर केला. मात्र, नंतर हे चुकीचे सिद्ध झाले आणि मनीष भंगाळेला अटक करण्यात आली होती.

दरम्यान, या खटल्यातील साक्षीदार फ्लेचर पटेल यांनी सांगितले की, मला एनसीबीच्या दक्षता पथकाने चौकशीसाठी बोलावले होते, मला विचारण्यात आले की, मी आर्यन प्रकरणात त्या दिवशी झालेल्या क्रूझ छाप्यात सहभागी होतो किंवा तिथे उपस्थित होतो. फ्लेचर पटेल यांनी सांगितले की, मी त्यादिवशी घटनास्थळी नव्हतो, मी एनसीबीला सांगितले आहे, मी यापूर्वी २ ते ३ प्रकरणांमध्ये एनसीबीचा साक्षीदार आहे.

नवाब मलिक यांनी केलेल्या आरोपांवर ते म्हणाले की, त्यांनी माझ्यावर केलेले सर्व आरोप चुकीचे आहेत, मी एनजीओ चालवतो, एक्स-सर्व्हिसमेन युनियनचा सदस्य आहे. समीर वानखेडे यांचा प्रामाणिकपणा लक्षात घेऊन आम्ही त्यांना अनेकदा प्रमुख पाहुणे म्हणून बोलावले होते. नवाब मलिक माझ्यावर खोटे आरोप करत आहेत. दरम्यान, आर्यन खानच्या जामीन अर्जावर आज तिसऱ्या दिवशी सुनावणी होणार आहे. आज एनसीबी याप्रकरणी आपली बाजू मांडणार आहे.