Aditya Thackeray Profile : पहिले ठाकरे ज्यांनी निवडणूक लढवली, आता राज्यातील सत्ता राखण्याच्या आव्हानामुळे चर्चेत

By, Pravin Pawar - June 28, 2022 09:30:53

0

महाराष्ट्रातील राजकीय नाट्य थांबवण्यासाठी ठाकरे कुटुंबीय सर्वतोपरी प्रयत्न करत आहेत. यामध्ये महाराष्ट्राचे मुख्यमंत्री उद्धव ठाकरे यांचे पुत्र आणि पर्यटन मंत्री आदित्य ठाकरे यांचीही महत्त्वाची भूमिका आहे. आदित्य संकटाशी संबंधित अनेक महत्त्वाची माहिती राजकीय व्यक्तींसोबत शेअर करत आहे आणि त्याला सामोरे जाण्यासाठी नवी रणनीती तयार करण्यातही महत्त्वाची भूमिका बजावत आहे.Aditya Thackeray Profile The first Thackeray who contested the elections is now in the spotlight due to his challenge to retain power in the state

13 जून 1990 रोजी जन्मलेल्या आदित्य ठाकरे यांनी बॉम्बे स्कॉटिश स्कूलमधून सुरुवातीचे शिक्षण घेतले. लहानपणापासूनच इतिहासाची विशेष आवड असल्यामुळे त्यांनी मुंबईच्या सेंट झेवियर्स कॉलेजमधून इतिहासात पदवी घेतली. पदवीनंतर आदित्य यांनी कायद्याचे शिक्षण घेतले.

Raj – Aditya : चुलत काकाला काटशह जरूर; पण त्या पलिकडे आदित्य ठाकरेंच्या अयोध्या दौऱ्याचा नेमका अर्थ काय…??

जाणून घ्या, महाराष्ट्रातील राजकीय पेचप्रसंगामुळे प्रसिद्धीच्या झोतात आलेल्या आदित्य ठाकरे यांचे वैयक्तिक आयुष्य आणि राजकीय प्रवास कसा राहिला…

वयाच्या 17व्या वर्षी पुस्तक प्रकाशित

आदित्य यांना फोटोग्राफी आणि कविता लिहिण्याचीही आवड आहे. त्यांनी अनेक गाणीही लिहिली आहेत. वयाच्या 17व्या वर्षी त्यांनी ‘My thoughts in white and black’ हे पुस्तक लिहिले. 2007 मध्ये प्रकाशित झालेल्या या पुस्तकामुळे ते चर्चेत आले होते.

मुंबईतील नाइट लाइफसाठी पुढाकार

राजकारणात येण्यापूर्वीच आदित्य यांनी मुंबईत नाईट कल्चरला चालना देण्यासाठी तत्कालीन मुख्यमंत्री देवेंद्र फडणवीस यांना निवेदन दिले होते. त्याची दखल घेत फडणवीस यांनी रात्री उशिरा मुंबईतील मॉल आणि दुकाने उघडण्यास परवानगी दिली होती. त्यांच्या या उपक्रमाचे तरुण आणि दुकानदारांनी भरभरून कौतुक केले.

निवडणूक लढवणारे पहिले ‘ठाकरे’

महाराष्ट्राच्या राजकारणात बाळ ठाकरे आणि उद्धव ठाकरे हे महत्त्वाचे नेते राहिले आहेत. आदित्य ठाकरे त्यांची तिसरी पिढी आहे. विशेष म्हणजे बाळासाहेब ठाकरे आणि उद्धव ठाकरे यांनी कधीही निवडणूक लढवली नाही. ते न लढता महाराष्ट्राच्या राजकारणात सक्रिय राहिले, पण आदित्य हे ठाकरे कुटुंबातील पहिले सदस्य आहेत, ज्यांनी निवडणूक लढवली आणि जिंकली. आदित्य ठाकरे यांनी मुंबईतील वरळी विधानसभा मतदारसंघातून निवडणूक लढवून मोठा विजय मिळवला आहे.

हायप्रोफाइल प्रकरणांमुळे चर्चेत

32 वर्षीय आदित्य अनेकदा चर्चेत आले. कधी लव्ह लाईफमुळे तर कधी वादांमुळे. आदित्य यांचे नाव बॉलीवूड तारका दिशा पटानी आणि एका महिला राजकारण्याची नात यांच्याशीही जोडले गेले होते, परंतु आदित्य यांनी यावर मौन सोडले नाही.

सुशांतसिंह राजपूतच्या मृत्यू प्रकरणातही त्यांचे नाव आले होते. सुशांतच्या मैत्रिणीच्या फोनवरून आदित्य यांना फोन करण्यात आल्याचा आरोप आहे. मात्र, तपासात हे सिद्ध होऊ शकले नाही.

स्वभावाने आदित्य ठाकरे हे त्यांचे आजोबा बाळ ठाकरे यांच्या अगदी उलट आहेत. आजोबा बाळ ठाकरे हे खूप आक्रमक होते, तर आदित्य त्यांच्या शांत स्वभावासाठी ओळखले जातात.