अकरावीच्या प्रवेशासाठी तब्बल ११ लाख विद्यार्थी देणार सीईटी परीक्षा|11 lack students will give CET

अकरावीच्या प्रवेशासाठी तब्बल ११ लाख विद्यार्थी देणार सीईटी परीक्षा

विशेष प्रतिनिधी

मुंबई – अकरावीच्या प्रवेशासाठी घेण्यात येणाऱ्या सीईटीच्या नोंदणीची अंतिम आकडेवारी राज्य शिक्षण मंडळाने जाहीर केली आहे. या परीक्षेसाठी राज्यातून एकूण १० लाख ९८ हजार ३१८ विद्यार्थ्यांची नोंदणी पूर्ण झाल्याची माहिती मंडळाने दिली.11 lack students will give CET

अकरावीच्या सीईटी साठी सर्वाधिक नोंदणी ही मुंबई विभागातून करण्यात आली आहे. त्यामध्ये २ लाख ६३ हजार ७४३ विद्यार्थ्यांनी सीईटीसाठी अर्ज केला होता, त्यापैकी २ लाख ५५ हजार ६४३ विद्यार्थ्यांचे अर्ज पूर्ण भरलेले आहेत. त्याखालोखाल पुणे, नाशिक, औरंगाबाद या विभागातून एक ते दीड लाखाहून अधिक विद्यार्थ्यांनी अकरावी सीईटीसाठी अर्ज भरण्याची प्रक्रिया केली होती.

विद्यार्थ्यांना अकरावीच्या प्रवेशासाठी सीईटी अर्जातील चुका दुरुस्तीची आजपासून संधी

राज्य शिक्षण मंडळाकडून २० जुलैपासून अकरावी सीईटीच्या नोंदणीच्या प्रक्रियेला सुरुवात करण्यात आली होती. ही नोंदणी पुन्हा २६ जुलै ते २ ऑगस्ट या कालावधीमध्ये करण्यात आली. या मुदतीत १० लाख ९८ हजार ३१८ विद्यार्थ्यांचे अर्ज पूर्ण भरलेले असल्याने या विद्यार्थ्यांना सीईटीची परीक्षा देता येणार आहे.