विशेष प्रतिनिधी
मुंबई : ३६ वी ‘महाराष्ट्र राज्य पोलीस क्रीडा स्पर्धा २०२६’ चा उद्घाटन सोहळा आज मुंबईतील कालिना येथील सशस्त्र पोलीस मुख्यालयात संपन्न झाला. याप्रसंगी उपमुख्यमंत्री एकनाथ शिंदे यांनी पोलीस दलाचे मनोधैर्य वाढण्यासाठी त्यांच्याशी संवाद साधून या स्पर्धेला शुभेच्छा दिल्या.
राज्यातील पोलीस दलाच्या पाठीशी खंबीरपणे उभे राहत त्यांना जागतिक पातळीवर नेण्याचा संकल्प याप्रसंगी व्यक्त केला. मजबूत कायदा-सुव्यवस्था हीच राज्याच्या सर्वांगीण विकासाची गुरुकिल्ली असल्याचे मत एकनाथ शिंदे यांनी व्यक्त केले.
सरकार हे केवळ आदेश देणारे नसून पाठीशी उभे राहणारे आहे. पोलिसांसाठी दर्जेदार घरे, सुसज्ज पोलीस स्टेशन, आधुनिक शस्त्रे, वाहने आणि सायबर सुरक्षेसाठी अत्याधुनिक साधने उपलब्ध करून देण्यावर भर दिला जात असल्याचे त्यांनी नमूद केले.
महाराष्ट्र पोलीस खिलाडी नंबर वन
आपण पोलिसांना नेहमी खाकी वर्दीत पाहतो, मात्र आज ते क्रीडावेशात मैदानात उतरलेले पाहणे अभिमानास्पद आहे. या क्रीडा स्पर्धा म्हणजे महाराष्ट्राचे ‘महा ऑलिम्पिक’ असून, महाराष्ट्र पोलीसच खरे ‘खिलाडी नंबर वन’ असल्याचे जगाला दाखवण्याची ही मोठी संधी आहे. हे खेळाचे मैदान आहे, त्यामुळे इथे पंच आहेत, पण पंचनामा नाही. त्यामुळे इथे नोंद होईल ती फक्त विक्रमांची, असेही याप्रसंगी शिंदेंनी नमूद केले. त्यामुळे अशा क्रीडा स्पर्धा या पोलिसांचा मानसिक तणाव कमी करून, पोलीस दलात मैत्रीभाव वाढवण्यासाठी उपयुक्त ठरतात, असेही एकनाथ शिंदे यांनी सांगितले.
याप्रसंगी मंत्री मंगलप्रभात लोढा, गृहराज्यमंत्री योगेश कदम, पोलीस महासंचालक सदानंद दाते, मुंबईचे पोलीस आयुक्त देवेन भारती यांच्यासह मुंबई पोलीस दलातील वरिष्ठ अधिकारी उपस्थित होते.
The Fadnavis government’s resolve to elevate the quality of the Maharashtra Police Force to a global level.
महत्वाच्या बातम्या
- Petrol and Diesel : पेट्रोल-डिझेल ₹28ने महागण्याच्या बातम्या खोट्या; सरकारने म्हटले- दर वाढवण्याचा प्रस्ताव नाही
- राघव चढ्ढा, हरभजन सिंग यांच्यासह ७ राज्यसभा खासदारांनी आम आदमी पार्टी फोडली; काँग्रेस आनंदी झाली!!
- ममता बॅनर्जींच्या पराभवाचे खापर मतदारांची नावे कापण्यावर फोडायला सुरुवात; म्हणे, SIR ने केली ममतांची सत्ता बरबाद!!
- I-PAC raid : आय-पॅक रेड प्रकरण, सुप्रीम कोर्टाने म्हटले- अशा याचिका ऐकणे धोकादायक