शिंदे-फडणवीस सरकारचा पहिला मंत्रिमंडळ विस्तार याच आठवड्यात : शिंदे गटाला ४० टक्के मंत्रिपदे, गृह-अर्थ खाते भाजपकडेच राहणार|Shinde-Fadnavis government's first cabinet expansion this week Shinde group will get 40 percent of ministerial posts, home-finance portfolio will remain with BJP

शिंदे-फडणवीस सरकारचा पहिला मंत्रिमंडळ विस्तार याच आठवड्यात ; शिंदे गटाला ४० टक्के मंत्रिपदे, गृह-अर्थ खाते भाजपकडेच राहणार

प्रतिनिधी

मुंबई : मुख्यमंत्री एकनाथ शिंदे 7 ऑगस्टपूर्वी महाराष्ट्रात मंत्रिमंडळाचा विस्तार करू शकतात. सूत्रांनी दिलेल्या माहितीनुसार, भाजप आणि शिंदे गटात मंत्री संख्या आणि खात्यांवर एकमत झाले आहे. मंत्रिमंडळात 35 सदस्य असतील. अशा प्रकारे शिंदे गटाला सरकारमध्ये 40% हिस्सा मिळेल.Shinde-Fadnavis government’s first cabinet expansion this week Shinde group will get 40 percent of ministerial posts, home-finance portfolio will remain with BJP

मंत्रिमंडळात भाजपच्या कोट्यातील 21 मंत्री मंत्रिमंडळात सामील होऊ शकतात, तर शिंदे गटाला 12 मंत्रिपदे मिळू शकतात. 2 मंत्री इतर छोट्या मित्रपक्षांना दिले जातील. 30 जून रोजी एकनाथ शिंदे यांनी मुख्यमंत्रिपदाची शपथ घेतली.

शरद पवारांची शिंदे-फडणवीसांवर टीका : दुष्काळ दौरे सोडून राज्यकर्ते स्वागत सोहळ्यात मश्गूल

खातेवाटपावर झाले एकमत

सूत्रांवर विश्वास ठेवायचा झाल्यास मंत्रिमंडळासोबतच खातेवाटपावरही सहमती झाली आहे. भाजपकडे गृह, वित्त आणि महसूल अशी मोठी खाती, तर शिवसेनेच्या शिंदे गटाकडे नगरविकास आणि रस्तेबांधणीची खाती दिली जाऊ शकतात. शिवसेनेचे दीपक केसकर म्हणाले की, मंत्रिमंडळाबाबत सर्व काही निश्चित झाले आहे. या आठवड्यात केव्हाही नवीन मंत्र्यांचा शपथविधी होऊ शकतो.

मंत्रिमंडळ विस्ताराला विलंब का?

मुख्यमंत्री शिंदे यांच्यासह त्यांच्या गटातील 16 आमदारांचे सदस्यत्व रद्द करण्याचे प्रकरण सर्वोच्च न्यायालयात आहे. यावर सातत्याने सुनावणी सुरू आहे. त्यामुळे मंत्रिमंडळ विस्तार आतापर्यत स्थगित करण्यात येत आहे.

भाजप आणि शिंदे गटातील मंत्र्यांची संख्या तसेच खात्याबाबत आतापर्यंत बोलले जात नव्हते. शिंदे गटालाही केंद्रात भागीदारी हवी आहे. त्यामुळे हे प्रकरण रखडले होते.
भाजपकडून पाटील-महाजन, तर शिंदे कॅम्पमधून केसकर-गोगावले यांच्या शर्यतीत भाजपकडून चंद्रकांत पाटील, सुधीर मुनगंटीवार आणि गिरीश महाजन मंत्रिपदाच्या शर्यतीत आघाडीवर आहेत. त्याचवेळी शिंदे कॅम्पमधून दीपक केसकर आणि भरत गोगावले यांना मंत्री केले जाऊ शकते.

35 दिवसांत एकनाथ शिंदेंची 6 वेळा दिल्लीवारी

30 जून रोजी मुख्यमंत्री झाल्यापासून एकनाथ शिंदे यांनी 35 दिवसांत आतापर्यंत 6 वेळा दिल्लीला भेट दिली आहे. यादरम्यान त्यांनी निवडणूक आयोग आणि लोकसभा अध्यक्षांकडे जाऊन शिवसेनेवर दावा ठोकला. त्याचबरोबर मंत्रिमंडळ विस्तारासह अनेक मुद्द्यांवर भाजपने हायकमांडची भेट घेतली.