Sanjay Raut : ‘’ट्रम्प भारताच्या बाजूने का उभे राहिले नाहीत?’’

By, Pravin Wankhade - June 22, 2025 03:30:16

0

अमेरिकेने इराणवर हल्ला केल्यानंतर संजय राऊतांनी उपस्थित केले प्रश्न

विशेष प्रतिनिधी

मुंबई – Sanjay Raut अमेरिकेने आता इराण आणि इस्रायलमधील युद्धात उडी मारली आहे. अमेरिकेने इराणवर हल्ला केला आहे. याबाबत शिवसेना उद्धव बाळसाहेब ठाकरे पक्षाचे खासदार संजय राऊत यांनी अमेरिकेचे राष्ट्राध्यक्ष डोनाल्ड ट्रम्प यांच्यावर प्रश्न उपस्थित केले आहेत. संजय राऊत यांनी विचारले आहे की जेव्हा इराण आणि इस्रायलमध्ये युद्ध सुरू आहे, तेव्हा डोनाल्ड ट्रम्प यांनी त्यात सहभागी होण्याची काय गरज आहे?Sanjay Raut

अमेरिकेने शनिवारी रात्री उशीरा इराणवर हल्ला केला. अमेरिकेने इस्रायलच्या ३ अणुस्थळांवर बॉम्ब टाकले. अमेरिकेने फोर्डो, नतान्झ आणि इस्फहान या तीन अणुस्थळांवर हल्ला केला. त्यानंतर राष्ट्राध्यक्ष डोनाल्ड ट्रम्प यांनीही दावा केला की हे हल्ले यशस्वी झाले आहेत आणि अमेरिकेने इराणची अणुस्थळे उद्ध्वस्त केली आहेत.

Fadnavis : बोल बच्चन भैरवींना मी उत्तर देत नाही; फडणवीस यांचा ठाकरेंच्या टीकेवर पलटवार

अमेरिकेचे राष्ट्राध्यक्ष डोनाल्ड ट्रम्प यांच्यावर प्रश्न उपस्थित करताना संजय राऊत म्हणाले की, जेव्हा इराण आणि इस्रायलमध्ये युद्ध सुरू आहे, तेव्हा राष्ट्राध्यक्ष ट्रम्प यांनी त्यात सहभागी होण्याची काय गरज आहे? राष्ट्राध्यक्ष ट्रम्प यांनीही युद्धात उडी घेतली आहे आणि इराणवरही बॉम्ब टाकले आहेत.

तसेच भारत आणि पाकिस्तानमधील संघर्ष सुरू असताना, ट्रम्प यांनीच युद्ध थांबवले होते. ते वारंवार युद्ध थांबवण्याचे श्रेय घेत आहेत. त्यांना जगात शांतता आणायची आहे. त्यांना नोबेल शांतता पुरस्कार हवा आहे. म्हणूनच त्यांनी पाकिस्तानचे जनरल मुनीर यांना त्यांच्या व्हाईट हाऊसमध्ये जेवणासाठी आमंत्रित केले. असंही संजय राऊत म्हणाले.

खरं तर, पाकिस्तानने ट्रम्प यांना नोबेल पुरस्कारासाठी नामांकित केले आहे. संजय राऊत यांनी यावर भाष्य केले. व्हाईट हाऊसमध्ये असीम मुनीर यांच्यासोबत जेवणानंतर पाकिस्तानने ट्रम्प यांचे नाव नोबेल शांतता पुरस्कारासाठी शिफारस केले आहे.

“ट्रम्प भारताच्या बाजूने का उभे राहिले नाहीत”

संजय राऊत यांनी प्रश्न उपस्थित केला की जेव्हा इराण-इस्रायल युद्ध सुरू होते तेव्हा राष्ट्राध्यक्ष ट्रम्प इस्रायलच्या बाजूने उभे राहिले आहेत. पण जेव्हा भारत आणि पाकिस्तानमध्ये संघर्ष सुरू होता तेव्हा ते भारताच्या बाजूने का उभे राहिले नाहीत?

संजय राऊत म्हणाले, तुम्ही आमचे युद्ध थांबवले पण इराणकडे अणुबॉम्ब आहे असे सांगून तुम्ही इस्रायलच्या बाजूने उभे राहिलात आणि इराणवर बॉम्ब टाकत आहात. राष्ट्राध्यक्ष ट्रम्प भारताच्या बाजूने का उभे राहिले नाहीत. आज ते इस्रायलच्या बाजूने उभे आहेत, मोदीजी आणि त्यांच्या सरकारने याचा विचार करावा.