सत्ता गेल्यामुळे विरोधक वेडे झाले; मुख्यमंत्री बदलणार म्हणाले; एकनाथ शिंदेंचे टीकास्त्र

प्रतिनिधी

मुंबई : राज्यात नेतृत्वबदलाची चर्चा विरोधक घडवत असताना त्यावर मुख्यमंत्री एकनाथ शिंदे यांनी आतापर्यंत मौन बाळगले होते. पण मंगळवारी त्यांनी यासंबंधी प्रथमच भाष्य करत राज्यात नेतृत्व बदलाची चर्चा करणारे ठार वेडे असल्याचे टीकास्त्र सोडले आहे. सत्ता गेल्यामुळे विरोधकांना काहीही सूचत नाही. त्यांना वेड लागले आहे. त्यामुळेच ते नेतृत्व बदलाची भाषा करत आहेत, असे शरसंधान शिंदे यांनी साधले.Opponents went mad because of the loss of power; The Chief Minister will change; Commentary by Eknath Shinde

विरोधकांना उपचारांची गरज

सत्ता गेल्यामुळे काही लोकांना वेड लागले आहे. त्यातून ते सरकार पडणार, मुख्यमंत्री बदलणार अशी विधाने करत आहेत. आमचे सरकार दिवसागणिक मजबूत होत असून, सत्ता गेल्यामुळे ज्यांना वेड लागले आहे, त्यांच्यावर उपचार करण्याची गरज आहे, असे मुख्यमंत्री शिंदे म्हणाले.

सत्तेसाठी आधीच खुंटीला टांगलेले हिंदुत्व काल पाटण्याच्या वेशीवर नेऊन टांगले; उद्धव ठाकरेंवर मुख्यमंत्री एकनाथ शिंदेंचे शरसंधान

का सुरू झाली होती चर्चा?

राष्ट्रवादी काँग्रेसचे अजित पवार यांच्या सरकारमधील समावेशापासून एकनाथ शिंदे यांचे मुख्यमंत्रीपद धोक्यात सापडल्याची चर्चा सुरू झाली आहे. त्यातच पुण्यात अजित पवार व अमित शहा यांची एक भेट झाली. त्यानंतर शिंदे आजारी पडले अन् गावाला गेले. त्यामुळे या चर्चेला मोठे बळ मिळाले. या पार्श्वभूमीवर मुख्यमंत्री शिंदे यांनी ठाकरे गट आणि अन्य विरोधी पक्षांवर ही टीका केली आहे.

शिंदेंना आला होता ताप

ठाकरे गटाने मुख्यमंत्र्यांच्या आजारपणावर टीका केल्यानंतर आमदार बच्चू कडू यांनी कठोर शब्दांत त्यांची बाजू मांडली होती. ते म्हणाले होते की, आम्ही मुख्यमंत्री शिंदेंची भेट घेतली. त्यांचा ताप 103 पर्यंत गेला होता. सातत्याने होणारी धावपळ आणि दगदगीतून हे दुखणे आले असावे. राज्यात नेतृत्व बदल करण्यासाठी आजारपणाचे सोंग करण्याची गरज नाही, असे ते म्हणाले होते.

राज्यात 2024 पर्यंत नेतृत्व बदल होणार नसल्याचा दावाही बच्चू कडू यांनी यासंबंधी केला होता. राज्यात 2024 पर्यंत कोणताही नेतृत्व बदल होणार नाही. जर झाला तर तो महागात पडल्याशिवाय राहणार नाही, असा इशारा त्यांनी यासंबंधी भाजप आणि राष्ट्रवादीला दिला होता.