विशेष प्रतिनिधी
पुणे : पीएमपीच्याएल (PMPML) कर्मचाऱ्यांना येत्या ७ दिवसांत ७ वा वेतन आयोग लागू न झाल्यास पुणे शहरातील भारतीय जनता पक्षाच्या लोकप्रतिनिधींच्या घरासमोर, कार्यालयासमोर आंदोलन करण्यात येईल. कर्मचाऱ्यांच्या या आक्रोशाने भाजप नेत्यांचे रस्त्यावर फिरणेही अशक्य होईल, असा इशारा राष्ट्रवादी काँग्रेस पार्टी शहराध्यक्ष व सभागृहातील सदस्य या नात्याने प्रशांत जगताप यांनी भारतीय जनता पक्षाला इशारा दिला. Movement for the rights of PMP employees Surround the corporation by human chain
कर्मचाऱ्यांच्या न्याय्य हक्कांसाठी राष्ट्रवादी काँग्रेस पार्टीच्या वतीने तीव्र आंदोलन करण्यात आले.या आंदोलनात कर्मचाऱ्यांनी मानवी साखळी द्वारे संपूर्ण महापालिकेस घेराव घातला होता. महानगरपालिका आयुक्त विक्रम कुमार यांना राष्ट्रवादी काँग्रेस पार्टीच्या वतीने निवेदन देण्यात आले.
या आंदोलन प्रसंगी शहराध्यक्ष प्रशांत जगताप दिपाली धुमाळ, कामगार सेलचे प्रदेशाध्यक्ष शिवाजीराव खटकाळे, प्रदीप देशमुख,सोमनाथ शिंदे,किरण थेऊरकर,सुनील नलावडे,राजेंद्र कोंडे,हरीश ओहोळ,कैलास पासलकर आदींसह पीएमपीच्याएल युनियनचे पदाधिकारी व कर्मचाऱ्यांनी भाग घेतला.
एक खासदार, सहा आमदार, महापौर, स्थायी समिती सभापती, सभागृह नेते, पीएमपीच्याएल वरील संचालक भाजपचे असतानाही कर्मचाऱ्यांवर अन्याय होतो याचा अर्थ भाजपला कर्मचाऱ्यांच्या हिताची पर्वा नाही, त्यांना फक्त ठेकेदाराचे कल्याण करायचे आहे, असे यावेळी जगताप यांनी सांगितले.
यासोबतच पुणे महानगरपालिकेत राष्ट्रवादी काँग्रेस पार्टीची सत्ता आल्यास पहिल्याच बैठकीत पीएमपीच्याएल कर्मचाऱ्यांना सातवा वेतन आयोग लागू करण्याचा निर्णय घेतला जाईल असे आश्वासन त्यांनी कामगारांना दिले.
Movement for the rights of PMP employees Surround the corporation by human chain
महत्त्वाच्या बातम्या
- BMC Budget : बीएमसी आयुक्तांनी सादर केला ४५,९४०.७८ कोटींचा अर्थसंकल्प, डिजिटल जाहिरातीतून कमाईची योजना
- आर्ट फिल्म्सची नॉन ग्लॅमरस नायिका दीप्ती नवल; आज 70 वा वाढदिवस
- बीएमसीचा ३३७० कोटींचा वार्षिक अर्थसंकल्प सादर, मुंबईत दोन आंतरराष्ट्रीय दर्जाच्या शाळा बांधण्याची तरतूद
- आम आदमी पार्टीचे काँग्रेसच्या पुढचे पाऊल; शपथेनंतर उमेदवारांकडून घेतली कायदेशीर प्रतिज्ञापत्रावर सही!!