Maratha community, find out the real caste of Ashok Kharat; Prakash Ambedkar's demand to the Chief Minister!! मराठा समाजातल्या गुन्हेगारांना वाचविण्याचा प्रयत्न, अशोक खरातची खरी जात शोधा; प्रकाश आंबेडकरांची मुख्यमंत्र्यांकडे मागणी!!

मराठा समाजातल्या गुन्हेगारांना वाचविण्याचा प्रयत्न, अशोक खरातची खरी जात शोधा; प्रकाश आंबेडकरांची मुख्यमंत्र्यांकडे मागणी!!

विशेष प्रतिनिधी

नाशिक : मराठा समाजातल्या गुन्हेगारांना वाचविण्यासाठी जाणीवपूर्वक प्रयत्न केले जात आहेत. त्यामुळे अशोक खरातची खरी जात शोधा. तो मराठा आहे की अन्य जातीचा आहे, हे सगळ्या महाराष्ट्राला कळू द्या, अशी मागणी वंचित बहुजन आघाडीचे अध्यक्ष प्रकाश आंबेडकर यांनी मुख्यमंत्री देवेंद्र फडणवीस यांच्याकडे केली.Maratha community, find out the real caste of Ashok Kharat; Prakash Ambedkar’s demand to the Chief Minister!!

प्रकाश आंबेडकरांनी सविस्तर ट्विट करून अशोक खरात याच्या जातीविषयी शंका व्यक्त केली. त्याचवेळी त्यांनी मराठा समाजातल्या गुन्हेगारांना वाचविण्यासाठी जाणीवपूर्वक प्रयत्न केले जात असल्याचा गंभीर आरोप केला. अशोक खरात याच्याशी संबंध आलेल्या प्रत्येकाची चौकशी करण्याची मागणी सुद्धा प्रकाश आंबेडकर यांनी केली.

नाशिक जिल्हा कायद्याचा बालेकिल्ला; पोलीस आयुक्त संदीप कर्णिकांचा मुख्यमंत्र्यांच्या हस्ते सन्मान!!

प्रकाश आंबेडकर यांनी केलेल्या गंभीर आरोपामुळे महाराष्ट्रात मोठी खळबळ उडाली आहे. कारण प्रकाश आंबेडकर यांच्यासारख्या ज्येष्ठ आणि अनुभवी नेत्याने थेट जातीचा उल्लेख करून गुन्हेगाराची पार्श्वभूमी तपासायची मागणी केल्याने अशोक खरातच्या प्रकरणाला वेगळेच वळण लागले आहे.

भोंदू अशोक खरातच्या सुरक्षेची खात्री करण्यासाठी आणि या प्रकरणाची सत्यता जपण्यासाठी त्याला उच्च सुरक्षा व्यवस्थेखाली ठेवण्यात यावे.

महाराष्ट्राचे मुख्यमंत्री देवेंद्र फडणवीस यांच्याकडे मी मागणी करतो की, अशोक खरात हा मराठा समाजाचा आहे की दुसऱ्या जातीचा, याची चौकशी करण्याचे आदेश… pic.twitter.com/u7qhjPwtsF

— Vanchit Bahujan Aaghadi (@VBAforIndia) March 28, 2026

– प्रकाश आंबेडकरांचे ट्विट असे :

भोंदू अशोक खरातच्या सुरक्षेची खात्री करण्यासाठी आणि या प्रकरणाची सत्यता जपण्यासाठी त्याला उच्च सुरक्षा व्यवस्थेखाली ठेवण्यात यावे.

महाराष्ट्राचे मुख्यमंत्री देवेंद्र फडणवीस यांच्याकडे मी मागणी करतो की, अशोक खरात हा मराठा समाजाचा आहे की दुसऱ्या जातीचा, याची चौकशी करण्याचे आदेश द्यावेत.

अशोक खरातशी मैत्रीपूर्ण संबंध असलेल्या सर्वांची चौकशी झाली पाहिजे. मराठा समाजातील गुन्हेगारांना जाणीवपूर्वक वाचवण्याचा प्रयत्न केला जात आहे.