महाराष्ट्र शासनाचा पहिला 'उद्योगरत्न पुरस्कार' ज्येष्ठ उद्योजक रतन टाटा यांना जाहीर! Maharashtra Governments first Udyogratna Award' announced to veteran industrialist Ratan Tata

महाराष्ट्र शासनाचा पहिला ‘उद्योगरत्न पुरस्कार’ ज्येष्ठ उद्योजक रतन टाटा यांना जाहीर!

महाराष्ट्रातील उद्योग व्यवसायांना चालना मिळण्यासाठी “उद्योग रत्न” पुरस्काराची संकल्पना

विशेष प्रतिनिधी

मुंबई : महाराष्ट्र भूषण या महाराष्ट्र शासनामार्फत देण्यात येणाऱ्या सर्वोच्च पुरस्काराच्या धर्तीवर महाराष्ट्र शासन “उद्योग रत्न” पुरस्कार देणे सुरू करणार आहे. या पार्श्वभूमीवर महाराष्ट्र शासनाचा पहिलाच उद्योग रत्न पुरस्कार टाटा समूहाचे सर्वेसर्वा नामांकित उद्योजक रतन टाटा यांना देण्यात येणार आहे. Maharashtra Governments first Udyogratna Award’ announced to veteran industrialist Ratan Tata

मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार आणि उद्योगमंत्री उदय सामंत यांच्या उपस्थितीत बुधवारी झालेल्या बैठकीत पहिला पुरस्कार टाटा उद्योग समूहाचे सर्वेसर्वा रतन टाटा यांना देण्याचा निर्णय घेण्यात आला. हाराष्ट्रातील उद्योग व्यवसायांना चालना मिळण्यासाठी “उद्योग रत्न” पुरस्काराची संकल्पना प्रत्यक्षात साकारणाऱ्या शिंदे-फडणवीस सरकारचे अनेकांनी अभिनंदन केले आहे.

ज्येष्ठ उद्योजक रतन टाटा यांना उद्योग रत्न पुरस्कार देण्याचा निर्णय झाल्याची माहिती उद्योगमंत्री उदय सामंत यांनी काल विधानपरिषदेत दिली. ‘महाराष्ट्र उद्योगरत्न’ पुरस्कारासह तरुण, महिला आणि मराठी उद्योजकांनाही पुरस्कार देऊन गौरविण्यात येणार असल्याचेही यावेळी सामंत यांनी स्पष्ट केले.

यावर्षीच्या एप्रिलमध्ये रतन टाटा यांना ऑस्ट्रेलियाच्या सर्वोच्च नागरी पुरस्काराने सन्मान, ‘ऑर्डर ऑफ ऑस्ट्रेलिया’ने गौरवण्यात आलं होतं. तसेच त्यांना इतरही अनेक राष्ट्रीय आणि आंतरराष्ट्रीय पुरस्कार मिळाले आहेत.