Parbhani दहशतवादी कारवायांच्या संशयावरून परभणीत एटीएसचे 15 ठिकाणी छापे; 12 जण ताब्यात, पथकात संभाजीनगर व नांदेड एटीएसही

Parbhani : दहशतवादी कारवायांच्या संशयावरून परभणीत एटीएसचे 15 ठिकाणी छापे; 12 जण ताब्यात, पथकात संभाजीनगर व नांदेड एटीएसही

विशेष प्रतिनिधी

परभणी : Parbhani ऑनलाइन माध्यमातून होत असलेल्या दहशतवादी कारवाया आणि संशयास्पद हालचालींच्या गुप्त माहितीवरून महाराष्ट्र दहशतवादविरोधी पथकाने (एटीएस) शनिवारी पहाटे परभणी शहरात मोठी कारवाई केली. छत्रपती संभाजीनगर आणि नांदेड येथील एटीएसच्या पथकाने पहाटे तीन वाजता शहरातील १५ वेगवेगळ्या ठिकाणी एकाच वेळी छापे टाकले. या कारवाईत दहशतवादी कारवायांमध्ये सहभागाच्या संशयावरून १२ जणांना चौकशीसाठी ताब्यात घेण्यात आले.Parbhani

आदित्य ठाकरेंवर आरोप करण्यात भाजप – शिंदे सेनेच्या नेत्यांचे वेगवेगळे सूर; एकमेकांमध्ये समन्वयाचा अभाव!!

या कारवाईसाठी २६ अधिकाऱ्यांचे पथक ५ क्रूझर गाड्यांमधून परभणीत दाखल झाले होते. शहरातील धार रोड परिसरातील मुमताज कॉलनी, जनता मार्केटच्या राजकोट स्वीट्सच्या बाजूचे मशिनरी दुकान, नोबल हँडलूम दुकानाजवळ पथकाने धाडी टाकल्या. संशयितांकडून कागदपत्रे, गॅजेट्स, साहित्य जप्त केले.

गुप्त मोहीम, मार्किंग

कारवाईसाठी वापरलेल्या पाचही क्रूझर गाड्यांवर ए, बी, सी, डी अशा प्रकारची विशेष मार्किंग केली होती. अत्यंत गुप्तता बाळगून आणि नियोजनबद्ध पद्धतीने ही कारवाई करण्यात आली.