सांगलीच्या राम मंदिर चौकात पंजाब सरकार विरोधात मानवी साखळी आंदोलन

By, Sachin Deshmukh - January 13, 2022 04:30:42

0

पंतप्रधान नरेंद्र मोदी यांच्या दौऱ्यात पंजाब सरकारने सुरक्षेत त्रुटी ठेवून त्यांचा जीव धोक्यात आणल्याची टीका करीत भाजपने बुधवारी सांगलीत मानवी साखळी आंदोलन केले.पंजाब सरकारचा निषेधही नोंदविण्यात आला.Human chain agitation against Punjab government at Ram Mandir Chowk, Sangli

विशेष प्रतिनिधी

सांगली : पंतप्रधान नरेंद्र मोदी हे बुधवारी (५ जानेवारी) पंजाब दौऱ्यावर आले होते. त्यावेळी हुसैनीवाला येथे जात असताना त्यांचा ताफा निदर्शकांनी रोखला होता.त्यामुळे सुरक्षेच्या कारणास्तव सर्व कार्यक्रम रद्द करून पंतप्रधानांना मागे फिरावे लागले होते.दरम्यान पंतप्रधान नरेंद्र मोदी यांच्या दौऱ्यात पंजाब सरकारने सुरक्षेत त्रुटी ठेवून त्यांचा जीव धोक्यात आणल्याची टीका करीत भाजपने बुधवारी सांगलीत मानवी साखळी आंदोलन केले.पंजाब सरकारचा निषेधही नोंदविण्यात आला.

मुख्यमंत्र्यांच्या चांगल्या प्रकृतीसाठी सांगलीच्या शिवसैनिकाचे विठ्ठलाला साकडे: सपत्नीक वारी

सांगलीच्या राम मंदिर चौकात आंदोलन करण्यात आले.यावेळी पंजाब सरकारच्या निषेधाचे फलक कार्यकर्त्यांनी हातात घेतले होते.यावेळी आंदोलनात ओबीसी मोर्चाच्या राष्ट्रीय सदस्य संगीता खोत, माजी आमदार दिनकर पाटील, नितीन शिंदे, ओबीसी मोर्चाचे जिल्हाध्यक्ष अमर पडळकर, जयगोंडा कोरे, प्रकाश बिरजे, विनायक सिँहासने, सुब्राव मद्रासी, भारती दिगडे, ऊर्मिला बेलवलकर, ज्योती कांबळे, स्मिता पवार, आदी उपस्थित हाेते.

निवेदनात भाजपने म्हटले आहे की, नरेंद्र मोदी हे पंजाबच्या दौऱ्यावर असताना पंजाबमधील काँग्रेस सरकारने त्यांच्या सुरक्षेत त्रुटी ठेवून कट-कारस्थान रचून त्यांचे प्राण धोक्यात आणले होते; परंतु देशातील सक्षम संरक्षण यंत्रणेच्या तत्परतेने मोदी या संकटातून बचावले.

तसेच पंजाबमधील काँग्रेस सरकारने जाणीवपूर्वक केलेल्या या कारस्थानाचा निषेध करीत आहोत. जर भविष्यात अस परत काही अपरिहार्य घडले तर पंजाब शासनाला जनतेच्या रोषाला सामोरे जावे लागेल, असा इशाराही देण्यात आला.